«ЯКҶОЯ МЕХОНЕМ». Натиҷаҳои лоиҳа, ки Вазорати маориф ва илми Тоҷикистон бо дастгирии USAID амалӣ мекунад, ҷамъбаст мешаванд
ДУШАНБЕ, 11.10.2021 /АМИТ «Ховар»/. Вазорати маориф ва илми Ҷумҳурии Тоҷикистон дар ҳамкорӣ бо Агентии ИМА оид ба рушди байналмилалӣ (USAID) дар доираи лоиҳаи «Якҷоя мехонем» ба 80 фоизи китобхонаҳои мактабҳои мамлакат 1,3 миллион китоб бо забони тоҷикӣ ва русӣ ҳадя кард, ки ба беҳтар шудани саводнокӣ ва таълими умумии онҳо мусоидат менамояд.
Озмуни ҷумҳуриявии «Фурӯғи субҳи доноӣ китоб аст», ки бо ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бахшида ба ҷашни 30-солагии Истиқлолият мегузарад, бо мақсади баланд бардоштани шавқи шаҳрвандон ба китобхонӣ, таҳкими неруи зеҳнӣ, рушди қобилияти эҷодӣ, ғанӣ гардонидани луғат, густариши олами маънавӣ дар байни аҳолии кишвар, аз ҷумла тарбиятгирандагон ва донишҷӯёни муассисаҳои томактабӣ ва миёна, донишҷӯёни муассисаҳои таҳсилоти ибтидоӣ, миёна ва олии касбӣ, инчунин магистрҳо, аспирантон ва докторантҳо, одамони калонсол ва намояндагони касбҳои гуногун баргузор мегардад. Яке аз ин чунин чорабиниҳои зеҳнӣ, албатта, барномаҳоеянд, ки ҳангоми амалисозии лоиҳаи «Якҷоя мехонем» гузаронида мешаванд.
Лоиҳаи «Якҷоя мехонем» тавассути пешниҳоди китобҳо, маводи таълимӣ, таълими муаллимон, технологияҳои нав ва навовариҳо, ба мисли барномаҳои таълимӣ дар радио ва телевизион натиҷаҳои омӯзиш ва хонишро дар мактабҳои Тоҷикистон беҳтар кардааст. Лоиҳа ба 28000 омӯзгор усулҳои инноватсионии педагогиро омӯзонд, ки иҷрои хонишро барои 665,000 хонандагони синфҳои ибтидоӣ беҳтар намуд. Илова бар ин, лоиҳа дар 115 мактаб 28 лагери тобистона ташкил намуд, ки ба рушди малакаҳои хониш дар зеҳни 4165 хонандаи мактаб мусоидат намуд. Лоиҳа инчунин ба кӯдакони дорои нуқсонҳои биноӣ 7200 китоби кӯдаконаи Брайл тақсим кард.
АКСҲО аз Вазорати маориф ва илми ҶТ/Сафорати ИМА дар ҶТ
Дар Институти физикаю техника озмоишгоҳи замонавӣ ба истифода дода шуд
Абубакри Розӣ аз зумраи нобиғаҳоест, ки дар пешрафти соҳаҳои гуногуни илми ҷаҳонӣ саҳми калон гузоштааст
ҒИЗОИ СОЛИМ. Тоҷикон дар наҳорӣ кадом хӯрокҳоро омода менамоянд?
Вобаста ба Соли байналмилалии ҳифзи пиряхҳо ва арзёбии илмии равандҳои криосфера конференсияи байналмилалӣ доир шуд
Дар Душанбе Фестивал-намоиши либосҳои миллӣ баргузор мегардад
«ПИРЯХҲО-НЕЪМАТИ БЕБАҲОИ ТОҶИКИСТОН». Дар Осорхонаи миллӣ конфронси илмии ҷумҳуриявӣ доир гардид
РӮЗИ МОДАР. Дар Душанбе бахшида ба он намоиш-фурӯши китоб доир мешавад
Дар Академияи миллии илмҳо масъалаи омоданамоии кадрҳои баланди илмӣ дар самти илмҳои табиатшиносӣ, дақиқ ва риёзӣ баррасӣ шуд
Дар Давҳа Маҷмаи 10-уми умумии Шабакаи ҷаҳонии дипломатияи мардумӣ ба фаъолият оғоз намуд
«САД РАНГИ ЧАКАН». Дар Бадахшон ғолибони даври вилоятии фестивал муайян шуданд
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ЭҲЁИ ТАЪРИХУ ФАРҲАНГИ МИЛЛӢ ВА ИСТИҚЛОЛИЯТ. Мулоҳизаҳои директори Агентии ҳифзи мероси таърихию фарҳангӣ
