ҒАЙРИҚОНУНӢ БО ХУД ГИРИФТАНИ СИЛОҲИ САРД ҶИНОЯТ АСТ! Зимни амалиёти шартии «Корд» ду далели қонуншиканӣ ошкор гардид

Ноябрь 27, 2021 09:54

ДУШАНБЕ, 27.11.2021 /АМИТ «Ховар»/. Кормандони мақомоти милитсияи шаҳри Душанбе дар натиҷаи баргузории амалиёти шартии «Корд» давоми рӯзи гузашта зимни пешбурди корҳои санҷишӣ ду далели бо худ гардонидани силоҳи сардро аз ҷониби ҷавонон муайян намуданд, хабар медиҳад АМИТ «Ховар» бо истинод ба маркази матбуоти Раёсати Вазорати корҳои дохилӣ дар шаҳри Душанбе.

Аз ҷумла, шаҳрванд Мунавваров Убайдулло Зувайдуллоевич, санаи   таваллудаш 1 июни соли 1997, истиқоматкунандаи шаҳри Душанбе, кӯчаи Ҷаббор Расулов, ки қаблан бо моддаҳои 237 (авбошӣ), 244 (дуздӣ) Кодекси ҷиноятии Ҷумҳурии Тоҷикистон суд шудааст, дастгир гардид, ки ҳамроҳи  худ корд доштааст.

Ҳамзамон аз ҷониби кормандони милитсия шаҳрванд Аҳмадҷони Нозими Саидзода, санаи таваллудаш 20 сентябри соли 1998, истиқоматкунандаи ноҳияи Фархори вилояти Хатлон дастгир гардид, ки аз ӯ низ як адад корд дарёфту мусодира карда шуд.

Вобаста ба ҳолатҳои мазкур нисбат ба ҳарду дастгиршуда санадҳои ҳуқуқвайронкунии маъмурӣ тартиб дода шуда, дар асоси қарорҳои Суд нисбат ба ҳар кадоми онҳо  ҷазо дар намуди ҳабси маъмурӣ ба муҳлати 5 шабонарӯзӣ татбиқ карда шуд.

Мавриди зикр аст, ки ҷиҳати пешгирии содиршавии амалу кирдорҳои номатлуб, махсусан содиршавии ҷиноятҳои авбошӣ бо истифода аз силоҳи сард аз ҷониби кормандони милитсияи пойтахт пайваста санҷишу амалиёти дахлдор баргузор карда мешаванд.

 

АКС: РВКД дар ш. Душанбе

Ноябрь 27, 2021 09:54

Хабарҳои дигари ин бахш

Дар Бохтар лоиҳаи «Шаҳри бехатар» амалӣ мегардад
Дар Душанбе мулоқоти роҳбарони вазоратҳои корҳои дохилии Тоҷикистону Беларус баргузор гардид
4364 САДАМАҲОИ РОҲУ НАҚЛИЁТ ДАР 4 СОЛ. Чӣ тавр пеши роҳи ин ҳодисаҳои нохушро бигирем?
Тоҷикистон дар муборизаи муштарак ба муқобили ҷиноятҳои фаромиллӣ фаъолона иштирок мекунад
Дар Душанбе ҷаласаи роҳбарони мақомоти корҳои дохилии пойтахтҳои давлатҳои аъзои Иттиҳоди Давлатҳои Мустақил баргузор гардид
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд