Бахшида ба Рӯзи милитсия дар Бадахшон мусобиқаи варзишӣ аз намуди волейбол оғоз гардид

Ноябрь 5, 2021 10:49

ДУШАНБЕ, 05.11.2021 /АМИТ «Ховар»/. Бахшида ба Рӯзи милитсия, ки ҳамасола дар мамлакат 10 ноябр  таҷлил мегардад, дар Раёсати Вазорати корҳои дохилӣ дар Вилояти Мухтори Кӯҳистони Бадахшон байни кормандони мақомоти корҳои дохилии вилоят мусобиқаи варзишӣ аз  намуди волейбол оғоз  гардид. Дар мусобиқаи мазкур  10 дастаи бозингарон ширкат варзида, барои ишғол намудани ҷойҳои намоён миёни ҳам рақобат менамоянд, хабар медиҳад АМИТ “Ховар” бо истинод ба Вазорати корҳои дохилии мамлакат.

Тавре манбаъ иттилоъ додааст, беҳтарин бозингарони мусобиқаи варзишии волейбол ва ғолибони мусобиқа, ки ҷойҳои намоёнро ишғол менамоянд,  аз номи Вазири корҳои дохилии Ҷумҳурии Тоҷикистон ва сардори РВКД дар ВМКБ бо “Ифтихорнома”-ву “Сипоснома”, мукофоти пулӣ ва туҳфаҳои хотиравӣ қадрдонӣ мегарданд.

Мусобиқаи варзиширо муовини сардори РВКД дар ВМКБ, полковники милитсия Аъзам Толеҳзода  ифтитоҳ бахшида, зикр кард, ки “ҳадаф аз баргузории  чунин бозиҳои варзишӣ такмили тарзи ҳаёти солим буда, баҳри тайёрии ҷисмонии ҳайати шахсии РВКД дар ВМКБ, ҷалби кормандон ба варзиш ва муайян намудани варзишгарони беҳтарину болаёқат аз рӯи намуди бозии варзишии волейбол роҳандозӣ гардидааст.

Вазорати корҳои дохилӣ дар партави сиёсати пешанамудаи Ҳукумати Ҷумҳурии Тоҷикистон баҳри рушди варзиш таваҷҷуҳи махсус зоҳир намуда, пайваста дар ин самт чорабиниҳои гуногунро доир менамояд.

Акс аз ВКД ҶТ

Ноябрь 5, 2021 10:49

Хабарҳои дигари ин бахш

Дар шаҳри Душанбе мусобиқаи «Шоми бокс» баргузор мешавад
Дар Вазорати мудофиа дастаҳои занонаи футбол ва мардонаи футзал таъсис дода мешаванд
Дар Душанбе марҳилаи сеюми даврҳои мураббигӣ оид ба барномаи иҷозатномаи «PRO» идома дорад
Ғолибони Мусобиқаи кушоди байналмилалӣ оид ба бокс дар Хуҷанд муайян шуданд
Лигаи футзали Тоҷикистон беҳтаринҳои мавсими 2024/25-ро қадрдонӣ намуд
Дар Турсунзода курсҳои ФИФА барои доварони Тоҷикистон оғоз шуданд
Дастаи мунтахаби наврасони Тоҷикистон (U-17) омодагиҳоро ба Ҷоми ҷаҳон-2025 оғоз кард
Дар Федератсияи футболи Тоҷикистон ҷаласаи Кумитаи маркетинг баргузор шуд
Тоҷикистонро дар мусобиқаи «Ulaanbaatar Grand Slam-2025» оид ба гӯштини ҷудо 12 варзишгар муаррифӣ мекунад
Дар шаҳри Хуҷанд Мусобиқаи байналмилалӣ оид ба бокс байни калонсолон оғоз гардид
Сомон Турсунзода барандаи медали нуқраи Чемпионати Аврупо оид ба ҷудо байни наврасон гардид
Чемпионати Ассотсиатсияи волейболи Осиёи Марказӣ ҷамъбаст гардид