Тоҷикистон воридот ва содироти воситаҳои нақлиётро афзоиш додааст

Ноябрь 26, 2021 14:01

ДУШАНБЕ, 26.11.2021 /АМИТ «Ховар» /. Тоҷикистон аз аввали соли равон  воридоту содироти воситаҳои нақлиётро афзоиш додааст. Воридоти воситаҳои нақлиётӣ ба ҷумҳурӣ дар ин муддат 43,9 фоиз ва содирот 1,9 баробар афзудааст.

Тибқи хабари Вазорати саноат ва технологияҳои нави Ҷумҳурии Тоҷикистон,  дар ҷумҳурӣ корхона оид ба банду басти автобусҳои мусофиркашонӣ ва тракторҳои кишоварзӣ таъсис дода шудааст. Мувофиқи маълумоти Агентии омори назди Президенти Ҷумҳурии Тоҷикистон, воридоти воситаҳои нақлиёт нисбат ба моҳҳои январ-октябри соли 2020-ум 43,9 фоиз ё  беш аз 184,2 миллион доллар зиёд шудааст. Маблағи умумии воридоти воситаҳои нақлиёт дар ин давраи соли равон  беш аз 265 миллион  долларро ташкил медиҳад. Тоҷироне, ки ба воридоти воситаҳои нақлиёт машғуланд, бар ин боваранд, ки афзоиши воридоти мошинҳо ба талабот ба он дар бозори дохилӣ вобаста аст, бо вуҷуди он ки нархи сӯзишворӣ аз оғози соли ҷорӣ пайваста боло меравад.

Воситаҳои нақлиёт, хусусан мошинҳои сабукрав  асосан аз кишварҳои назди Балтика, Аврупо ва Кореяи Ҷанубӣ воридот мегарданд. Ва дар бозори воситаҳои нақлиёти калонҳаҷм ҷои аввалро истеҳсолкунандагони чинӣ ишғол мекунанд.

Содироти воситаҳои нақлиёт нисбат ба ҳамин давраи соли 2020 1,9 баробар афзоиш ёфтааст. Маблағи воситаҳои нақлиётии содиротӣ дар ин давра беш аз 7,3 миллион долларро ташкил дод.

      Акс аз манбаъҳои боз

Ноябрь 26, 2021 14:01

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст