Ҷаласаи Шӯрои ҳамкории байниминтақавӣ ва наздисарҳадии кишварҳои узви ИДМ баргузор гардид
ДУШАНБЕ, 16.12.2021 /АМИТ «Ховар»/. Дирӯз, 15 декабр ҷаласаи X Шӯрои ҳамкории байниминтақавӣ ва наздисарҳадии давлатҳои аъзои Иттиҳоди Давлатҳои Мустақил тариқи видеоконфронс баргузор гардид, хабар медиҳад АМИТ «Ховар» бо истинод ба дафтари матбуоти Кумитаи иҷроияи ИДМ.
Дар ҷаласа намояндагони ҳамаи кишварҳои узви ИДМ – аъзои Шӯро: Ҷумҳурии Арманистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Русия, Ҷумҳурии Тоҷикистон ва Ҷумҳурии Узбекистон, инчунин кумиҷроияи ИДМ, Ассамблеяи байнипарлумонии давлатҳои аъзои ИДМ ва Ташкилоти заминавии давлатҳои аъзои ИДМ дар соҳаи китобдории Муассисаи давлатии федералии буҷавии «Китобхонаи давлатии Русия» иштирок намуданд.
Ҷаласаро бо сухани ифтитоҳӣ Раиси Шӯро, муовини якуми Вазири рушди иқтисод ва паст кардани сатҳи камбизоатии Ҷумҳурии Узбекистон С.М. Холхуҷаев кушода, директори департаменти ҳамкории иқтисодии Кумитаи иҷроияи ИДМ М.Е. Мискин сухан гуфт.
Иштирокчиёни ҷаласа вазъи ҳамкории байниминтақавӣ ва фаромарзӣ дар кишварҳои узви ИДМ-ро баррасӣ намуда, иҷрои Консепсияи ҳамкории байниминтақавӣ ва наздисарҳадии давлатҳои аъзои ИДМ барои давраи то соли 2020 ва нақшаи чорабиниҳо барои татбиқи онро натиҷагирӣ ва лоиҳаи Консепсияи Форуми минтақаҳои ИДМ-ро муҳокима карданд. Инчунин оид ба дигар масъалаҳои мубрами рӯз табодули афкор сурат гирифт.
Раёсати Шӯро ба Ҷумҳурии Беларус гузашт.
АКС: АМИТ «Ховар»/хадамоти матбуоти Кумиҷроияи ИДМ
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
