ШУМО ТАНҲО НЕСТЕД! Дар Кӯлоб бахшида ба Рӯзи байналмилалии маъюбон ҷамъомади идона доир шуд
ДУШАНБЕ, 03.12.2021 /АМИТ «Ховар»/. Имрӯз бахшида ба Рӯзи байналмилалии маъюбон дар Мактаби Президентӣ барои хонандагони болаёқати шаҳри Кӯлоб ҷамъомади идона баргузор гардид. Аз ҷониби мақомоти иҷроияи ҳокимияти давлатии шаҳри Кӯлоб барои 100 нафар шахсони маъюб ва имконияташон маҳдуд дастархони идона ороста шуда, кормандони бахши фарҳанги шаҳри Кулоб барномаи ҳунариро манзури онҳо намуданд, хабар доданд ба АМИТ «Ховар» аз бахши матбуоти мақомоти иҷроияи ҳокимияти давлатии шаҳри Кӯлоб.
Дар ҷамъомади идона роҳбарияти мақомоти иҷроияи ҳокимияти давлатии шаҳри Кӯлоб, масъулони соҳаи маориф ва омӯзгорону дастпарварони муассисаи мазкур фаъолона иштирок намуданд.
Меҳмонон нахуст аз маҳсули дастони хонандагон ва омӯзгорони шаҳр, ки дар даромадгоҳи муассисаи мазкур ба тамошо гузошта шуда буд, дидан намуда, ба он баҳои баланд доданд.
Дар ҷамъомад иҷрокунандаи вазифаи раиси шаҳри Кӯлоб Бахтиёр Назарзода аз дастгириву ғамхориҳои Ҳукумати Ҷумҳурии Тоҷикистон, бахусус Президенти Ҷумҳурии Тоҷикистон муҳтарам Эмомалӣ Раҳмон нисбат ба шахсони имконияташон маҳдуд ёдовар шуда, изҳор дошт, ки мақомоти иҷроияи ҳокимияти давлатии шаҳри Кӯлоб дар доираи имконияти мавҷуда ба ин қишри ҷомеа пайваста кумак мерасонад.
Зикр гардид, ки Рӯзи байналмилалии маъюбон аз соли 1992 инҷониб аз тарафи Ассамблеяи генералии СММ бо мақсади ҷалби ҷомеаи башарӣ ба ҳуқуқҳои шахсони имконияташон маҳдуд ва некӯаҳволии онҳо дар тамоми соҳаҳои ҳаётӣ муқаррар шуда буд. Айни замон 175 кишвари олам узви КҲМ мебошанд.
Пешвои миллат муҳтарам Эмомалӣ Раҳмон дар яке аз Паёмҳои худ ба Маҷлиси Оли Ҷумҳурии Тоҷикистон оид ба пуштибонӣ ва ғамхориҳои давлат нисбат ба маъюбон чунин баёни назар намуда буданд: «Ман ба кӯдакони ятиму бепарастор, маъюбону пиронсолони бесаробон муроҷиат карда, изҳор менамоям, ки шумоёнро ҳаргиз хору зор ва танҳо намегузорам».
“Дар пайравӣ аз иқдомҳои Президенти Ҷумҳурии Тоҷикистон муҳтарам Эмомалӣ Раҳмон масъулони мақомоти давлатӣ, шахсони хайрхоҳ ва дигар ташкилоти хайрхоҳ нисбат ба нафарони маъюб таваҷҷуҳи бештар зоҳир мекунанд”,- иброз дошт Бахтиёр Назарзода.
АКСҲО: Мақомоти иҷроияи ҳокимияти давлатии шаҳри Кӯлоб
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
Дар Алмато платформаи миллии рақамии тандурустии Тоҷикистон муаррифӣ гардид
«ИСТИҚЛОЛ — ГАНҶИ МИЛЛАТ, БАҚОИ ДАВЛАТ». Бо чунин унвон дар шаҳри Хуҷанд ҳамоиши ҷумҳуриявӣ доир шуд
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Мактаб, оила ва ҷомеа — се неруе, ки бояд иттиҳоди ҳамешагӣ дошта бошанд
20 СЕНТЯБР — РӮЗИ ҶАҲОНИИ ТОЗАГӢ. Маданияти шаҳрнишиниро риоя бояд кард!
Ҷавонони Тоҷикистон дар Фестивали байналмилалии ҷавонон-2026 дар Екатеринбург иштирок намуданд
Дар Душанбе «Стратегияи ҳифзи саломатии аҳолии Ҷумҳурии Тоҷикистон барои давраи то соли 2030» баррасӣ шуд
Дар Тоҷикистон Озмуни ҷумҳуриявии «Табиби сол – 2026» ҷамъбаст гардид
Байни Агентии хизмати давлатии Тоҷикистон ва Вазорати идоракунии ҳайати Ҷумҳурии Корея Ёддошти тафоҳум ба имзо расид
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
