Созишномаи Тоҷикистон ва Узбекистон дар соҳаи разведкаи ҳарбӣ дар мубориза бо терроризм ва ифротгароӣ мусоидат хоҳад кард

Декабрь 27, 2021 15:16

ДУШАНБЕ, 27.12.2021 /АМИТ «Ховар»/. Созишнома миёни вазоратҳои  мудофиаи Тоҷикистон ва Узбекистон оид ба ҳамкорӣ дар соҳаи разведкаи ҳарбӣ ба ҳар ду кишвар дар мубориза бо терроризм ва ифротгароӣ мусоидат хоҳад кард. Ин нуктаро 22 декабр Вазири мудофиаи Ҷумҳурии Тоҷикистон Шералӣ Мирзо зимни муҳокимаи парлумонӣ, ки 22 декабр дар ҷаласаи Иҷлосияи сеюми Маҷлиси намояндагони Маҷлиси Олӣ, даъвати шашум таҳти раёсати Маҳмадтоир Зокирзода сурат гирифт, тазаккур дод, хабар медиҳад АМИТ «Ховар».

Ба зикри Шералӣ Мирзо, лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон «Дар хусуси Созишнома байни Вазорати мудофиаи Ҷумҳурии Тоҷикистон ва Вазорати мудофиаи Ҷумҳурии Узбекистон оид ба ҳамкорӣ дар соҳаи разведкаи ҳарбӣ аз 10 июни соли 2021», дар асоси моддаи 11 Қонуни Ҷумҳурии Тоҷикистон «Дар бораи шартномаҳои байналмилалии Ҷумҳурии Тоҷикистон» бо мақсади тасдиқи он ҷиҳати эътибор пайдо намудан пешниҳод шудааст.

Он бо мақсади мустаҳкам намудани ҳамкорӣ миёни вазоратҳои мудофиаи ҳарду кишвар дар соҳаи разведкаи ҳарбӣ, аз ҷумла муқаррар намудани самтҳо ва тартиби ҳамкорӣ ба имзо расонида шуд.

«Дар доираи созишнома ташрифи расмии роҳбарон ва вохӯрии кори мутахассисон доир гардида, мубодилаи мутақобилаи иттилоот доир ба вазъият дар минтақаи Осиёи Марказӣ ва дар ҳудуди давлати тарафҳо машғулияти муштарак ва махсус гузаронида мешаванд», — тавзеҳ дод Вазири мудофиа.

Ба иттилои ӯ, амалигардонии созишнома аз нигоҳи иқтисодию молиявӣ хароҷоти иловагӣ талаб накарда, дар доираи маблағҳои буҷетии ба соҳаи мудофиаи кишвар пешбинигардида ба роҳ монда мешавад.

«Тасдиқи он ба қонунгузории ҷумҳурӣ мухолифат накарда, зарурати ворид намудани тағйиру иловаҳоро ба миён намеорад, — гуфт Шералӣ Мирзо. — Бо дарназардошти болоравии таҳдиду хатарҳои минтақавӣ, аз ҷумла густариши гурӯҳҳои террористию экстремистӣ дар минтақа, амалигардонии созишномаи номбурда ба манфиати таъмини амнияти миллии ҳарду кишвар арзёбӣ мегардад».

Бояд тазаккур дод, ки дар иҷлосия вакилони Маҷлиси намояндагон «Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Узбекистон оид ба ҳамкорӣ дар соҳаи истифодабарии фазои ҳавоӣ ва аэродромҳо», «Созишнома байни Вазорати мудофиаи Ҷумҳурии Тоҷикистон ва Вазорати мудофиаи Ҷумҳурии Узбекистон оид ба ҳамкорӣ дар соҳаи мудофиаи зиддиҳавоӣ» ва «Созишнома байни Вазорати мудофиаи Ҷумҳурии Тоҷикистон ва Вазорати мудофиаи Ҷумҳурии Узбекистон оид ба ҳамкорӣ дар соҳаи разведкаи ҳарбӣ»-ро тасдиқ намуданд.

Мавриди зикр аст, ки созишномаҳои мазкур 10 июни соли 2021 зимни сафари расмии Президенти Ҷумҳурии Узбекистон Шавкат Мирзиёев ба Тоҷикистон ба имзо расиданд.

АКС: Маҷлиси намояндагони МО ҶТ

Декабрь 27, 2021 15:16

Хабарҳои дигари ин бахш

Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
Байни Прокуратураи генералии Тоҷикистон ва Прокуратураи генералии Суди Олии аппелятсионии Туркия Ёддошти тафоҳум оид ба ҳамкорӣ ба имзо расид
САВГАНДИ САДОҚАТ БА ВАТАН. Дар ҷузъу томҳои Артиши миллии Тоҷикистон маросими савгандёдкунии наваскарон оғоз шуд
Дар Хатлон нақшаи даъват ба хизмати Ватан бори аввал пеш аз муҳлат пурра иҷро гардид
ДАЪВАТИ БАҲОРӢ: Дар Хатлон ин чорабинии муҳими сиёсӣ дар марҳилаи анҷомёбӣ қарор дорад
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид