Қазоқистон раёсатро дар ИДМ қабул намуд
ДУШАНБЕ, 05.01.2022 /АМИТ «Ховар»/. Шурӯъ аз 1 январи соли 2022 Қазоқистон раёсат дар Иттиҳоди давлатҳои мустақилро аз Беларус қабул намуд, иттилоъ медиҳад АИБ «Казинформ».
Тавре қаблан хабар дода будем, моҳи ноябри соли 2021 дар нишасти Шӯрои сарони кишварҳои Иттиҳоди давлатҳои мустақил (ИДМ) масъалаҳои ҳамкории иқтисодӣ дар доираи ИДМ мавриди баррасӣ қарор гирифта буданд. Дар ҷамъбасти ҷаласа Созишнома оид ба ҳамкории кишварҳои узви ИДМ оид ба амният ва ҳифзи ҳуқуқ дар объектҳои ҳуқуқи муаллифӣ ва ҳуқуқҳои вобаста ба шабакаҳои иттилоотию телекоммуникатсионӣ қабул гардид. Маҷмӯи нақшаи чорабиниҳо барои солҳои 2021-2025 оид ба татбиқи барномаи байнидавлатии ҳамкории инноватсионии кишварҳои узви ИДМ то давраи соли 2030 тасдиқ гардид. Нақшаи чорабинӣ вобаста ба баргузор намудани Соли ҳунарҳои мардумӣ ва мероси фарҳангӣ дар ИДМ дар соли 2022, Консепсияи рушди стратегии нақлиёти роҳи оҳан дар «фазои 1520» то соли 2030 муайян карда шуд.
Моҳи майи соли 2022 дар шаҳри Нур-Султон нишасти навбатии сарони кишварҳои Иттиҳоди давлатҳои мустақил доир мегардад.
Нишасти 60-уми Шӯрои энергетикии ИДМ низ соли 2022 дар Қазоқистон доир карда мешавад.
28 декабри соли 2021 зимни вохӯрии ғайрирасмии роҳбарони кишварҳои ИДМ дар Санкт-Петербург сарони кишварҳои ИДМ натиҷаи ҳамкорӣ дар соли 2021-ро ҷамъбаст намуда, нақшаҳои умумии таҳким ва рушди минбаъдаи ҳамкории мутақобилан судмандро барои ояндаи наздик баррасӣ намуданд, инчунин татбиқи лоиҳаҳои муштарак, аз ҷумла дар соҳаҳои иқтисодӣ ва фарҳангию гуманитариро низ мавриди баррасӣ қарор доданд.
АКС: аз бойгонӣ
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
