Дар Донишгоҳи Хоруғ курси даҳрӯзаи омӯзишӣ барои кормандону омӯзгорон оғоз ёфт
ДУШАНБЕ, 18.01.2022 /АМИТ «Ховар»/. Вобаста ба амалӣ намудани “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ва баҳри баланд бардоштани савияи дониши техникии мутахассисону омӯзгорон дар Донишгоҳи давлатии Хоруғ ба номи Моёншо Назаршоев курси даҳрӯзаи омӯзиши технологияи иттилоотӣ оғоз гардид, иттилоъ доданд аз ДДХ ба АМИТ «Ховар».
Курси мазкур дар доираи Барномаи курси даҳрӯзаи омӯзиши технологияи иттилоотӣ, ки соли равон аз тарафи Муассисаи давлатии “Маркази ҷумҳуриявии технологияи информатсионӣ ва коммуникатсия” тасдиқ шудааст, сурат гирифт.
Мақсади асосии барнома-ин баланд бардоштани маҳорати касбӣ, рушди фарҳанги техникӣ, такмил додани донишу истифода аз технологияи муосири таълим, усулҳои нави инноватсионии таълим, масъалаҳои муҳими афкори нави техникӣ ва ғояҳои асосии омӯзиши фарҳангӣ – техникӣ мебошад.
Ректори донишгоҳ, профессор Гулзорхон Юсуфзода иброз намуд, ки ҷиҳати омӯзиши амиқ, истифодаи самараноки технологияи муосир, аз қабили тахтаҳои нави электронӣ, видеопроектор ва дигар таҷҳизоти техникию озмоишгоҳӣ омӯзгорону кормандонро зарур аст, ки ҳамаи нозукиҳои технологияи навро аз худ кунанд.
“Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ махсус таъкид намуданд, ки “бо вуҷуди он ки раванди таҳсил дар муассисаҳои таълимӣ ба низоми муайян даромадааст, зарур аст барои боз ҳам баланд бардоштани сатҳу сифати таҳсил, омода кардани кадрҳои баландихтисос, омӯхтани забони давлатӣ, таъриху фарҳанги бостонии халқи тоҷик, боло бурдани завқу рағбати хонандагон ба омӯзиши фанҳои риёзӣ, дақиқ, табиӣ, технологияҳои иттилоотӣ ва аз худ кардани забонҳои хориҷӣ, махсусан забонҳои русиву англисӣ таваҷҷуҳи аввалиндараҷа зоҳир карда шавад”. Аз ин рӯ, роҳандозии чунин курсҳои омӯзишӣ саривақтӣ ва мувофиқи мақсад мебошад”, — иброз намуд профессор Г. Юсуфзода.
Мавриди зикр аст, ки ҳоло зиёда аз 40 нафар кормандону омӯзгорони донишгоҳ ба курси даҳрӯза ҷалб шудаанд ва он то 27 январ идома меёбад.
АКС аз ДДХ
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
