БМТ: «Қурби расмии сомонӣ нисбат ба доллари ИМА муътадил арзёбӣ гардида, устувории пули миллӣ нигоҳ дошта шуд»
ДУШАНБЕ, 02.02.2022/АМИТ «Ховар»/. «Қурби расмии сомонӣ нисбат ба доллари амрикоӣ ба санаи 31 декабри соли гузашта муътадил арзёбӣ гардида, устувории пули миллӣ — сомонӣ нигоҳ дошта шуд ва беқурбшавӣ умуман ба назар нарасид». Дар ин хусус Раиси Бонки миллии Тоҷикистон Ҳоким Холиқззода имрӯз дар нишасти матбуотӣ ба хабарнигорон иттилоъ дод.
Мавсуф афзуд, ки маҷмӯи маҳсулоти дохилии кишвар (ММД) дар соли сипаригардида бо арзиши номиналӣ ба зиёда аз 98 миллиард сомонӣ баробар гардида, афзоиши воқеии он 9,2 фоизро ташкил дод, ки рушди воқеӣ нисбат ба соли қаблӣ 4,7 банди фоизӣ зиёд мебошад.
Афзоиши ММД аз ҳисоби истеҳсоли маҳсулоти саноатӣ 22 фоиз, кишоварзӣ 6,6 фоиз, сохтмон 23, 3 фоиз, гардиши савдои чакана 12,7 фоиз ва хизматрасониҳои пулӣ 7,9 фоиз таъмин гардид.
Ба андешаи Ҳоким Холиқзода, «сатҳи таваррум соли гузашта дар доираи нишондиҳандаи якрақама ҷамъбаст гардида, 8,0 фоизро ташкил намуд, ки ин дар доираи ҳадафи муқарраршудаи Бонки миллии Тоҷикистон қарор дорад ва асосан дар натиҷаи болоравии нархи маҳсулоти хӯрокворӣ 7,3 фоиз, маҳсулоти ғайрихӯрокворӣ 7,5 фоиз ва арзиши хизматрасониҳои пулӣ ба аҳолӣ 11,3 фоиз ба амал омад. Ин нишондиҳанда нисбат ба соли 2020 ба андозаи 1,4 банди фоизӣ паст мебошад».
Бонки миллии Тоҷикистон бо мақсади нигоҳ доштани сатҳи муътадили нархҳо дар раванди танзими ҳаҷми пул сиёсати мутавозуни пулию қарзиро тавассути механизми фишангҳои худ барои маҳдуд сохтани таъсири омилҳои монетарӣ ба нишондиҳандаҳои макроиқтисодӣ амалӣ намуда истодааст.
АКСҲО: АМИТ «Ховар»
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
ҚУРБИ АСЪОР: дар Тоҷикистон 1 евро аз 11.8268 то 11.6500 сомонӣ муқаррар шудааст
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
