Бо дастгирии Ҳукумати Тоҷикистон беш аз 2 ҳазор хонаводаи ноҳияҳои Рашт, Деваштич ва Шаҳристон бо оби тозаи нушокӣ таъмин шуд
ДУШАНБЕ, 12.02.2022 /АМИТ«Ховар»/. Ҷиҳати бартараф намудани мушкилии аввалиндараҷа ва муҳими сатҳи деҳот оид ба норасоии оби нӯшокӣ ва полезӣ бо дастгирии Ҳукумати Ҷумҳурии Тоҷикистон дар ҳамкорӣ бо Фонди байналмилалии рушди кишоварзӣ дар доираи Лоиҳаи «Дастгирии кишоварзӣ дар заминаи ҷомеа» соли 2021 сохтмони 5 зерлоиҳаи хати оби нӯшокӣ ва 10 зерлоиҳаи хати оби полезӣ пурра ба анҷом расида, барои истифода супорида шуданд. Дар ин бора дирӯз, 11 феврал Директори Муассисаи давлатии «Маркази идораи лоиҳаи «Рушди чорводорӣ ва чарогоҳҳо» Абдулаҳад Хоҷазода зимни нишасти матбуотӣ ибрози назар намуд.
Абдулаҳад Хоҷазода афзуд, ки дар натиҷаи сохтмони хатҳои оби полезӣ обёрии 892 га замини кишоварзӣ беҳтар гардида, барои кишоварзон ҷиҳати кишти ҳосили дуюм ва сеюм шароити мусоид фароҳам оварда шуд. Инчунин дар натиҷаи татбиқи 5 зерлоиҳаи сохтмони хати оби нӯшокӣ 2039 хонаводаи ноҳияҳои Рашт, Деваштич ва Шаҳристон бо оби тозаи нӯшокӣ таъмин шуданд.
Ҳамчунин дар нишаст зикр карда шуд, ки дар остонаи ҷашни 30-солагии Истиқлолияти давлатии Ҷумҳурии Тоҷикистон ба ноҳияҳои Деваштич 19 трактор ва 8 комбайни ғалладаравӣ, Шаҳристон — 2 трактор, Дӯстӣ — 29 трактор ва 2 экскватор, Ҷайҳун — 43 трактор ва 2 экскватор, Рашт — 11 трактор ва 7 борбардори фронталӣ, Тоҷикобод — 2 трактор ва 1 комбайни ғалладаравӣ дастрас гардид.
Давоми моҳҳои сентябр-декабри соли 2021 бо истифода аз экскваторҳои дастрасгардида зиёда аз 62 км заҳбуру заҳкашҳои дохили хоҷагии ноҳияҳои Дӯстӣ ва Ҷайҳун тоза карда шуданд. Дар натиҷа ҳолати мелиоративии 1532 га замини корам беҳтар гардид, ки ба баланд бардоштани ҳосилнокии заминҳо мусоидат менамояд.
АКС: АМИТ«Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
