Дар Душанбе ҳамкории тиҷоратию иқтисодии Тоҷикистон ва Озарбойҷон баррасӣ гардид
ДУШАНБЕ, 23.02.2022 /АМИТ «Ховар»/. Имрӯз дар шаҳри Душанбе ҷаласаи панҷуми Комиссияи байниҳукуматии Тоҷикистон ва Озарбойҷон оид ба масъалаи ҳамкории тиҷоратию иқтисодӣ баргузор гардид, иттилоъ медиҳад хабарнигори АМИТ «Ховар».
«Бо шарофати сиёсати оқилона ва дурандешонаи роҳбарони ду кишвар — Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Озарбойҷон Илҳом Алиев муносибатҳои ду кишвар пайваста рушд ёфта, ба сатҳи олӣ баромаданд»,-иброз дошт Вазири рушди иқтисод ва савдо Завқӣ Завқизода, ки ҳамраисии ҷаласаро ба уҳда дошт. Аз ҷониби Озарбойҷон ҷаласаро Вазири кишоварзӣ Инам Керимов раисӣ менамуд.
Дар ҷаласа ҷонибҳо барои тақвият бахшидани ҳамкорӣ дар самтҳои тиҷоративу иқтисодӣ, сармоягузорӣ, кишоварзӣ, саноат, энергетика, нақлиёт, алоқа ва технологияҳои муосир, маориф ва илм, тандурустӣ, сайёҳӣ, бонкдорӣ, варзиш, фарҳанг, меҳнат, муҳоҷират ва дигар самтҳои афзалиятноки ҳамкории дуҷониба, бахусус таъсиси корхонаҳои муштараки саноатӣ ва паркҳои технологӣ, аз ҷумла дар ҳудуди минтақаҳои озоди иқтисодии Тоҷикистон бо ҷалби сармоягузории озарбойҷонӣ, воридоти маҳсулоти нафтӣ ба мувофиқа расиданд.
Сардори Раёсати танзим ва рушди савдои хориҷии Вазорати рушди иқтисод ва савдо Эраҷ Абдурҳмонов дар суҳбат бо хабарнигори АМИТ «Ховар» изҳор дошт, ки «Ҷумҳурии Озарбойҷон яке аз шарикони тиҷоратии Ҷумҳурии Тоҷикистон маҳсуб ёфта, соли сипаришуда аз Тоҷикистон воситаҳои нақлиёти заминӣ, қоғазу картон, маҳсулот аз он ва дигар маҳсулот содирот ва аз Озарбойҷон равғани растанӣ, шакар, тухмиҳои равғандор, маҳсулоти нафтӣ ва ғайра ворид гариданд. Гардиши савдо миёни ду кишвар дар соли 2021 6,1 млн долларро ташкил намуд, ки ҷавобгӯи иқтидори ду кишвар набуда, корҳо дар ин ҷода бояд тақвият дода шаванд».
Дар ҷаласаи панҷуми Комиссияи байниҳукуматии Тоҷикистон ва Озарбойҷон оид ба масъалаи равобити тиҷоратию иқтисодӣ ба самтҳои ояндадори ҳамкорӣ дар бахшҳои муҳим дахл карда шуд.
Ҷаласа дар фазои дӯстӣ ва ҳамдигарфаҳмӣ баргузор гардида, дар анҷоми он Протокол ба имзо расонида шуд.
АКС: Вазорати рушди иқтисод ва савдои ҶТ
Бахшида ба Рӯзи таъсиси мақомоти гумрук дар Душанбе маҷлиси тантанавӣ баргузор гардид
Ширкати «ACWA Power» дар доираи татбиқи тарҳи энергетикӣ дар Тоҷикистон неругоҳи офтобӣ месозад
22 ЯНВАР — РӮЗИ КОРМАНДОНИ МАҚОМОТИ ГУМРУК. Таъмини амнияти иқтисодии Тоҷикистон рисолати асосии ин мақомот аст
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
