Дар Душанбе оид ба фарҳанги истифодаи Интернет ва бехатарии наврасон дар шабака мулоқот доир шуд
ДУШАНБЕ, 12.03.2022 /АМИТ «Ховар»/. Бо ибтикори Маркази рушди касбияти Муассисаи таълимии давлатии «Гимназияи №1 барои хонандагони болаёқати шаҳри Душанбе» дарс – вохӯрии номзади илмҳои педагогӣ, директори Муассисаи давлатии «Маркази таҳлилӣ-иттилоотии назди Сарраёсати маорифи шаҳри Душанбе» Шавкат Каримзода дар мавзӯи «Фарҳанги истифодаи Интернет ва бехатарии наврасон дар шабака» бо хонандагони муассиса баргузор гардид, хабар медиҳад АМИТ «Ховар» бо истинод ба Сарраёсати маорифи шаҳри Душанбе.
Шавкат Каримзода зимни суҳбати озод бо хонандагон зикр намуд, ки сиёсати давлатӣ дар соҳаи маориф ба истифодаи технологияҳои иттилоотӣ дар муассисаҳои таҳсилоти умумӣ, баланд бардоштани сатҳу сифати таҳсилоти мутобиқ ба стандартҳои байналмилалӣ, ташкили махзани рақамии ягонаи маводи таълимии электронӣ, рушди заминаҳои муосири моддию техникии муассисаҳои таҳсилоти умумӣ ба воситаи мунтазам аз нав таҷҳизонидани онҳо бо техникаву технологияҳои ҳозиразамон ва ташкили торнамои (портали) ягонаи итгилоотии соҳаи маорифи ҷумҳурӣ равона гардидааст.
Аз ин рӯ ҳамасола барои ба низоми ягонаи иттилоотию коммуникатсионӣ ворид гардидани соҳаи маорифи пойтахт якчанд барномаҳои давлатӣ ва стратегияҳо қабул карда шуданд.
“Насли наврасро зарур аст, ки бо истифодаи дурусти технологияҳои иттилоотӣ ба илмомӯзӣ, омӯзиши амиқи забонҳои хориҷӣ рӯй оварад ва дар оянда ба пешбурди корҳои илмӣ-таҳқиқотӣ, омӯзишу аз худ кардани технологияи иттилоотиву коммуникатсионӣ ва навовариву ихтироъкорӣ такя намуда, мутахассиси соҳибкасб гардад. Дар шароити имрӯза, ки талабот ба кадрҳои соҳибкасб дар бозори меҳнат зиёд мешавад, хонандагонро зарур аст, ки илмҳои замонавиро аз худ намуда, ба стандартҳои байналмилалӣ баробар гарданд”,-афзуд мавсуф.
Дар идома миёни Шавкат Каримзода ва хонандагон суҳбати самимӣ доир гардида, хонандагон озодона саволҳои худро пешниҳоди меҳмон гардониданд. Хонандагони Муассиса бобати интихоби бошууронаи касб, роҳҳои муваффақ гардидану соҳибихтисос гаштан ва усулҳои аз худ намудани илмҳои муосиру забонҳои хориҷӣ мароқ зоҳир намуданд.
Дар муассисаи мазкур бо мақсади омодагии хонандагон ба фаъолияти мустақилона, дуруст интихоб намудани касб Маркази рушди касбият таъсис дода шудааст, ки вазифаи асосии он бевосита маълумоти мушаххас додан оид ба касбу кори гуногун, мусоидат дар интихоби дурусти касб, ташкили семинарҳои омӯзишӣ бо шахсони муваффақ дар ҷодаи фаъолияти касбӣ ва машварати касбӣ мебошад.
АКС: Сарраёсати маорифи шаҳри Душанбе
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
