Дар Душанбе олимпиадаи II даставии хонандагони муассисаҳои таҳсилоти миёнаи умумӣ аз фанни технология оғоз ёфт
ДУШАНБЕ, 11.03.2022 /АМИТ «Ховар»/. Имрӯз дар Муассисаи давлатии «Маркази кӯдакон ва наврасони шаҳри Душанбе» Олимпиадаи II даставии хонандагони муассисаҳои таҳсилоти миёнаи умумии шаҳри Душанбе аз фанни технология (таълими меҳнат) оғоз гардид. Дар ин бора ба АМИТ «Ховар» дар Сарраёсати маорифи шаҳри Душанбе хабар доданд.
Дар расми ифтитоҳи олимпиада сардори Сарраёсати маорифи шаҳри Душанбе Баҳром Исмоилзода гуфт, ки баргузор намудани Олимпиадаи даставии хонандагони муассисаҳои таҳсилоти миёнаи умумии шаҳри Душанбе аз фанни технология (таълими меҳнат), ки таҷрибаи нахустин на танҳо дар пойтахт, балки дар ҷумҳурӣ ва минтақа арзёбӣ мегардад, давоми мантиқии дастгириҳои иқдому ташаббусҳои наву тоза дар соҳаи маориф мебошад.
Зикр шуд, ки олимпиада баҳри дарёфт ва рушди зеҳниву эҷодии хонандагон ва ҳавасмандгардонии фаъолияти мустақилонаи илмию амалӣ ва таҳқиқотии онҳо дар доираи фанни технология (таълими меҳнат), фароҳам овардани шароит ҷиҳати тарбияи мутахассисони соҳаи истеҳсолот, омода гардидан ба зиндагии мустақилона, бедор намудани ҳисси зебоипарастӣ, тарғиби ҳунарҳои мардумӣ ва дар ин замина мусоидат намудан дар касбинтихобкунии насли наврас роҳандозӣ шудааст.
Дар даври шаҳрии олимпиада дастаҳои ноҳияҳои шаҳри Душанбе иштирок намуда, нахуст донишҳои назариявии худро тавассути супоридани санҷишҳои тестӣ ва нақшакашӣ пешниҳод намуданд.
Дар назар аст, ки дар идомаи кори олимпиада довталабон лоиҳаҳои эҷодии худро муаррифӣ намуда, инчунин тибқи супоришномаҳо корҳои амалиро иҷро намоянд.
Ёдовар мешавем, ки Олимпиадаи II даставии хонандагони муассисаҳои таҳсилоти миёнаи умумии шаҳри Душанбе аз фанни технология (таълими меҳнат) пагоҳ, 12 март низ ҷараён мегирад.
АКС: Сарраёсати маорифи ш. Душанбе
Ҷаласаи Кумитаи тадорукоти Синамоҷашнвораи дуюми байналмилалии Душанбе «Тоҷи Сомон» баргузор гардид
НИШАСТИ МАТБУОТӢ. Имсол Донишкадаи давлатии санъати тасвирӣ ва дизайни Тоҷикистонро 332 донишҷӯ хатм намуд
Банаворгирии филми муштараки Тоҷикистону Узбекистон бо номи «Дурахши ахтарон: Ҷомӣ ва Навоӣ» оғоз ёфт
«ПЕШВО, ҲИЗБ, МИЛЛАТ». Бахшида ба 30-солагии таъсиси ҲХДТ андешаҳои шахсиятҳои шинохтаи дунё ба нашр расид
НИШАСТИ МАТБУОТӢ. Донишҷӯёни Консерваторияи миллӣ дар озмунҳои байналмилалӣ ҷойҳои намоёнро гирифтанд
Дар муассисаҳои илмию таҳқиқотии Академияи миллии илмҳои Тоҷикистон 8 озмоишгоҳи нав ба истифода дода шуд
НИШАСТИ МАТБУОТӢ. Донишкадаи давлатии фарҳанг ва санъати Тоҷикистон ихтисоси «Омӯзгорони томактабӣ» таъсис медиҳад
Дӯстӣ пойдор бошад, комёбиҳо бештар мегарданд. Эҳдо ба Рӯзи байналмилалии дӯстӣ
Китоби «Фурӯғи худшиносии миллӣ» ба нашр расид
Дастовардҳои Тоҷикистон дар намоиши байналмилалии осорхонавӣ дар Чин ба тамошо гузошта мешаванд
«ТОҶИ СОМОН». Дар ин синамоҷашнвораи байналмилалӣ синамогарон аз 20 давлат иштирок менамоянд
НИШАСТИ МАТБУОТӢ. Банаворгирии филми таърихии муштараки «Дурахши ахтарон: Ҷомӣ ва Навоӣ» моҳи август оғоз мегардад
