Дар Осорхонаи миллӣ оид ба тасвири Наврӯз дар асарҳои рассомони Тоҷикистон намоиш баргузор мешавад
ДУШАНБЕ, 14.02.2022 /АМИТ «Ховар»/. Бахшида ба ҷашни байналмилалии Наврӯз 15 март дар Осорхонаи миллӣ таҳти унвони «Ҷашни Наврӯз дар асарҳои рассомони Тоҷикистон» намоиш оғоз мегардад, ки дар он тасвири ҷашни Наврӯз дар асарҳои рассомӣ, кундал ва кандакорӣ дар рӯи чӯб ба тамошо гузошта мешавад.
Тавре сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба АМИТ «Ховар» хабар дод, чун анъана ҳар сол дар Осорхонаи миллӣ бахшида ба ҷашни байналмилалии Наврӯз намоиш доир мегардад. Намоиши имсола аз солҳои гузашта ба куллӣ фарқ мекунад, ки инро тамошобинон танҳо баъди дидан мефаҳманд.
Мавсуф зикр намуд, ки дар намоишҳои қаблӣ ба тамошобинон ёдгориҳои таърихӣ ва фарҳангие, ки давоми як сол Осорхонаи миллӣ бо роҳи харид, туҳфа ва дар натиҷаи корҳои бостоншиносии кормандони Осорхона дастрас менамуд, манзур мешуданд.
Ҳамчунин дар ин рӯз бо ибтикори Осорхонаи миллии Тоҷикистон, Ҳаракати ваҳдати миллӣ ва эҳёи Тоҷикистон, Вазорати фарҳанги мамлакат ва Мақомоти иҷроияи ҳокимияти давлатии шаҳри Душанбе таҳти унвони «Наврӯз — суннати мондагори Ваҳдат аст» бо иштироки намояндагони вазорату идораҳои дахлдор, олимону нависандагон ва донишҷӯён суҳбати «мизи мудаввар» баргузор мегардад.
Бояд гуфт, ки осорхона 22 толори намоишӣ дошта, дар онҳо беҳтарин шоҳкориҳои ниёгон, ки муаррифи таъриху тамаддуни халқи тоҷик мебошанд, ба намоиш гузошта шудаанд. Барои тамошобинон чор шуъбаи экспозитсионӣ: табиат, таърихи бостон ва асрҳои миёна, таърихи нав ва навтарин, санъати тасвирӣ ва амалӣ фаъолият менамоянд.
Инчунин дар Осорхонаи миллӣ толори махсуси туҳфаҳои Президенти Ҷумҳурии Тоҷикистон амал менамояд, ки дар он ҳадяҳои ба Президенти Тоҷикистон аз дигар мамолики олам эҳдошуда ба тамошо гузошта шудаанд.
АКС: АМИТ «Ховар»
Дар Осорхонаи миллӣ намоиши офаридаҳои наққош ва муҷассамасози маъруф Амонуллоҳ Ҳайдарзод ифтитоҳ ёфт
Академияи миллии илмҳои Тоҷикистон аккредитатсияи байналмилалии муассисавиро гузашт
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
«ТОҶИ СОМОН». Дар Душанбе дуюмин синамоҷашнвораи байналмилалӣ баргузор мегардад
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
