Дар шаҳри Ҳисор иқдоми «Суманак-пайки Наврӯз» доир шуд
ҲИСОР, 17.03.2022 /АМИТ «Ховар»/. Дар асоси нақшаи чорабиниҳои Кумитаи иҷроияи Ҳизби Халқии Демократии Тоҷикистон дар шаҳри Ҳисор ва намояндагии ТҶҶ «Созандагони Ватан» дар ҳудуди шаҳри Ҳисор таҳти унвони «Суманак- пайки Наврӯз» иқдоми идона баргузор гардид. Дар ин бора аз Мақомоти иҷроияи ҳокимияти давлатии шаҳри Ҳисор ба хабарнигори АМИТ «Ховар» иттилоъ доданд.
Суманак ҳамчун рамзи сарсабзӣ ва хуррамӣ дар арафаи Соли нави миллӣ ва ҷашни Наврӯз омода мешавад, ки ифодагари намоду нишони ҳаёт ва маданияти рӯзгордории тоҷикон мебошад. Аз ин хотир тибқи анъана ва суннатҳои наврӯзӣ аз ҷониби Кумитаи иҷроияи Ҳизби Халқии Демократии Тоҷикистон дар шаҳри Ҳисор сабзаи суманак ҳамчун пайки накӯи Наврӯз парварда, ба ташкилоти ибтидоии ҳизбӣ ва идораю муассисаҳои ҳудуди шаҳр тақдим карда шуд.
Мояи ифтихормандӣ ва сарфарозии мардуми шарифи Тоҷикистони соҳибистиқлол аст, ки имрӯзҳо тамоми мамолики дунё, аз ҷумла кишварҳои таҷлилкунандаи ҳавзаи Наврӯз ҷашни фархундаи Наврӯзи байналмилалиро ҳамчун рамзи накӯӣ, оғози кишту кор таҷлил менамоянд. Иқдоми мазкур бо пешниҳоди бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақоми ҷаҳонӣ гирифтааст.
Дар арафаи ҷашни Наврӯзи Аҷам тозаю озода намудани манзилу маҳал, дасти ёрӣ дароз намудан ба табақаи ниёзманди аҳолӣ, ғамхорӣ дар ҳаққи маъюбону бечорагон, ятимону бепарасторон, тақдими гулҳои аввалини баҳорӣ ва сабзаи навруста аз русуми хос ва фарҳанги қадимии мардуми тоҷик башорат медиҳад.
АКСҲО: Мақомоти иҷроияи ҳокимияти давлатии шаҳри Ҳисор
РӮЗИ ҚУВВАҲОИ МУСАЛЛАҲИ ТОҶИКИСТОН. Ба ин муносибат Озмуни ҷумҳуриявии «Суруди сарбоз» ҷамъбаст мегардад
Бозингарони дастаи мунтахаби занонаи футзали Эрон дар Осорхонаи миллӣ бо таъриху тамаддуни тоҷикон шинос шуданд
«ТО ТАВОНӢ ДӮСТОНРО ГУМ МАКУН». Ҳайати Тоҷикистон дар ҳамоиши илмию амалӣ дар шаҳри Самарқанд иштирок намуд
ИМРӮЗ — РӮЗИ БАЙНАЛМИЛАЛИИ ҲАДЯИ КИТОБ. Тақдими китоб яке аз ташаббусҳои неки Президенти Тоҷикистон мебошад
Дар Тоҷикистон 1160-солагии файласуф ва олими маъруфи тоҷик Абубакри Розӣ таҷлил карда мешавад
Дар ноҳияи Вахш даври шаҳрии Фестивали ҷумҳуриявии «Сад ранги чакан» баргузор гардид
Моҳи сентябр дар Тоҷикистон 700-солагии Ҳофизи Шерозӣ ҷашн гирифта мешавад
«САД РАНГИ ЧАКАН». Дар Душанбе фестивал ва намоиш- фурӯши маҳсулоти чакандӯзию гулдӯзӣ доир мегардад
Дар Душанбе дар мавзуи аҳамияти синошиносӣ ва муаррифии осори Абӯалӣ ибни Сино ҳамоиш баргузор шуд
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
