Дар шаҳру ноҳияҳои вилояти Суғд тантанаҳои наврӯзӣ идома доранд
ДУШАНБЕ, 19.03.2022 /АМИТ «Ховар»/. 18 март Раиси вилояти Суғд Раҷаббой Аҳмадзода аз чанд қисми низомии мустақар дар шаҳри Бӯстон ва ноҳияи Бобоҷон Ғафуров боздид намуда, фарорасии Наврӯзи Аҷамро ба афсарону сарбозон табрик гуфт. Дар ин бора корманди Хадамоти матбуоти Раиси вилояти Суғд Андар Раҳмонӣ ба АМИТ «Ховар» хабар дод.
Ёдовар мешавем, ки дар доираи таҷлили иди Наврӯз дар тамоми муассисаҳои иҷтимоии шаҳру ноҳияҳои вилояти Суғд чорабиниҳои идона доир гардида, қишри ниёзманди ҷомеа ба аёдату ғамхорӣ фаро гирифта мешавад. Ҳамзамон дар партави дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон афсарону сарбозони қисмҳои низомӣ аёдат гардида, барои хизматчиёни ҳарбӣ дастурхони наврӯзӣ ороста мешавад.
«Наврӯзи имсола дар кишвари мо дар давраи омодагӣ ба ҷашни бузурги 30-солагии Иҷлосияи ХVI Шӯрои Олии Тоҷикистон таҷлил гардида, ба боз ҳам бештар тақвият пазируфтани ваҳдату ҳамдигарфаҳмӣ ва иттиҳоду ягонагӣ мусоидат менамояд. Аз ин лиҳоз сокинони вилоятро зарур аст, ки таҳти раҳнамоиҳои хирадмандонаи Пешвои миллат муҳтарам Эмомалӣ Раҳмон корҳои ободониву бунёдкориро барои истиқболи арзандаи ин ҷашни воқеан таърихӣ ва сарнавиштсоз вусъат бахшанд, иҷрои нияту нақшаҳои созандаро таъмин намуда, шаҳру ноҳияҳои вилоят ва дар маҷмӯъ, кишвари азизамонро боз ҳам обод созанд»,-иброз намуд Раҷаббой Аҳмадзода.
Аз тарафи мақомоти иҷроияи ҳокимияти давлатии вилоят барои афсарону сарбозон дастархони наврӯзӣ густарда шуда, ба қисмҳои ҳарбӣ маводи ғизоӣ, аз ҷумла гӯшт, орду равған ва дигар маводи зарурӣ дастрас гардид.
Аёдати афсарону сарбозони қисмҳои низомӣ ва дигар чорабиниҳои наврӯзӣ дар ҳудуди вилоят идома дорад.
Ёдовар мешавем, ки барномаҳои асосии наврӯзӣ дар маркази шаҳру ноҳияҳои вилояти Суғд 21 март гузаронида мешаванд.
АКСҲО: Хадамоти матбуоти Раиси в. Суғд
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
Дар шаҳри Теҳрон «Шаби Тоҷикистон» баргузор гардид
