Дар Суғд бахшида ба Рӯзи матбуоти тоҷик барои дарёфти Ҷоизаи ба номи Ҳоҷӣ Содиқ озмун гузаронида мешавад
ДУШАНБЕ, 01.03.2022 /АМИТ «Ховар»/. Бахшида ба Рӯзи матбуоти тоҷик озмун барои дарёфти Ҷоизаи журналистони вилояти Суғд ба номи Ҳоҷӣ Содиқ гузаронида мешавад, хабар доданд ба АМИТ «Ховар» дар Хадамоти матбуоти Раиси вилояти Суғд.
Озмуни мазкур имсол бо дастгирии роҳбарияти вилоят дар ду номина-матбуоту WEB-журналистика ва телевизиону радио дар алоҳидагӣ баргузор шуда, дар он кормандони воситаҳои ахбори оммаи чопӣ ва электронӣ, телевизион ва радио, новобаста аз шакли моликият, нафароне, ки узви Иттифоқи журналистони Тоҷикистон буда, камаш даҳ сол узвият доранд ва дар расонаҳои хабарии маҳаллӣ фаъолият намуда ё аз нашрияҳои марказӣ ва хориҷӣ дар вилоят намояндагӣ мекунанд, метавонанд ширкат варзанд.
Ба ғолибони озмун барои дарёфти Ҷоизаи журналистони вилояти Суғд ба номи Ҳоҷӣ Содиқ дар номинаҳои матбуоту WEB-журналистика ва телевизиону радио 3 ҳазор сомонӣ, дар маҷмӯъ 6 ҳазор сомонӣ ва Диплом супорида мешавад.
Мавриди зикр аст, ки 11 март дар қаламрави вилояти Суғд Рӯзи матбуоти тоҷик ва 110-солагии нахустрӯзномаи тоҷикии «Бухорои шариф» бо тантана ҷашн гирифта мешавад. Дар ин рӯз баргузории маҷлиси тантанавӣ, суҳбати журналистони собиқадор бо толибилмону донишҷӯён дар мавзӯи «Паёми Пешвои миллат-роҳнамои ҷомеа», аёдати собиқадорон, ташкили мусобиқаи анъанавии шоҳмот миёни кормандони ВАО, маҳфили ёдбуди журналистони соҳибном Усмонҷон Тоҷибоев ва Неъмат Шариф, конфронси илмию амалӣ ва ғайра дар назар дошта шудааст.
АКС: АМИТ «Ховар»
Дар Кӯшониён даври ноҳиявии «Сад ранги чакан» баргузор гардид
ҲУНАРМАНД ҲЕҶ ГОҲ ХОР НАМЕГАРДАД. Устои карнайсоз аз Истаравшан бо ин ҳунараш соҳибэҳтиром гардидааст
ПАЙРОҲАИ ЭҶОД. Намоиши инфиродии рассоми Донишкадаи давлатии санъати тасвирӣ ва дизайни Тоҷикистон ифтитоҳ шуд
Оид ба робитаи илм бо истеҳсолот ва технологияҳои коркардшуда машварати илмӣ баргузор гардид
Дар Душанбе оид ба нақши занон дар татбиқи қатъномаи СММ оид ба Соли байналмилалии ҳифзи пиряхҳо ҳамоиш доир шуд
Шоири ғазалсарои тоҷик Ҳофизи Шерозӣ дар қатори бузургтарин шоирони дунё мақоми шоиста дорад
Азнавбақайдгирӣ ва феҳристнигории ёдгориҳои шаҳри Душанбе ба анҷом расид
Ба ифтихори Рӯзи Қувваҳои Мусаллаҳи Тоҷикистон дар Осорхонаи миллӣ ҳамоиши фарҳангӣ баргузор шуд шуд
«САД РАНГИ ЧАКАН». Даври ноҳиявии фестивали ҷумҳуриявӣ дар «Хуррамшаҳр»-и ноҳияи Данғара доир шуд
21 ФЕВРАЛ — РӮЗИ БАЙНАЛМИЛАЛИИ ЗАБОНИ МОДАРӢ. Дар Тоҷикистон ба забони модарии ҳамаи қавму миллатҳо эҳтиром гузошта мешавад
Дар Осорхонаи миллии Тоҷикистон ба ифтихори 700-солагии Ҳофизи Шерозӣ маҳфили ҳофизхонӣ баргузор шуд
Дар Душанбе ҳамкории муассисаҳои илмии Тоҷикистон ва Шоҳигарии Арабистони Саудӣ баррасӣ гардид
