Дар Тоҷикистон Рӯзҳои кинои Узбекистон доир мешаванд
ДУШАНБЕ, 28.03.2022 /АМИТ «Ховар»/. Аз 30 март то 2 апрел дар Тоҷикистон Рӯзҳои кинои Узбекистон доир мегарданд, иттилоъ доданд ба АМИТ «Ховар» дар МД «Тоҷикфилм».
Маросими ифтитоҳи Рӯзҳои кинои Узбекистон дар Тоҷикистон 30 март дар кинотеатри «Наврӯз» доир мегардад. Инчунин дар ин рӯз, соати 14:00, нишасти матбуотӣ оид ба баргузории Рӯзҳои кинои Узбекистон дар кинотеатри ба номи Тоҳир Собиров бо иштироки намояндагони ВАО ва ҳайати меҳмонон дар назар аст.
Ҳамчунин дар ин рӯзҳо дар шаҳри Душанбе, вилоятҳои Суғду Хатлон, Вилояти Мухтори Кӯҳистони Бадахшон ва шаҳру ноҳияҳои тобеи ҷумҳурӣ филмҳои истеҳсоли Узбекистон намоиш дода мешаванд.
Алоқамандони кино метавонанд аз ин филмҳо дидан намоянд.
30 март соати 19:00, дар кинотеатри «Наврӯз»-и шаҳри Душанбе филми «Хатсайри 101», инчунин соати 16:00 дар кинотеатри «Зебуннисо» филми «Ифтихори Нафиса» пешкаши тамошобинон мегарданд.
31 март, соати 16:00, дар кинотеатри «Ватан»-и пойтахт филми «Ҳусниддини моҳир», соати 10:00, дар Қасри фарҳанги шаҳри Норак филми «Хатсайри 101», соати 14:00, дар Қасри фарҳанги шаҳри Ҳисор филми «Асорат», соати 10:00, дар театри вилоятии шаҳри Хоруғи Вилояти Мухтори Кӯҳистони Бадахшон филми «Тӯйи якрӯза», соати 14:00, дар кинотеатри Лоҳутии шаҳри Бохтари вилояти Хатлон филми «Тӯйи якрӯза», соати 15:00 дар Қасри фарҳанги шаҳри Хуҷанди вилояти Суғд филми «Хатсайри 101» намоиш дода мешаванд.
1 апрел, соати 10:00, дар Кохи Лоиқи шаҳри Хуҷанди вилояти Суғд филми «Асорат», соати 11:00, дар кинотеатри «Роғун»-и шаҳри Роғун филми «Тӯйи якрӯза» манзур мегарданд.
АКС: МД «Тоҷикфилм»
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
