Маркази кӯдакону наврасони Душанбе дар якҷоягӣ бо Муассисаи байнидавлатии садо ва симои «Мир» базми наврӯзӣ оростанд

Март 17, 2022 17:12

ДУШАНБЕ, 17.03.2022 /АМИТ «Ховар»/. Имрӯз дар «Боғи кӯдакон»-и пойтахт бо ибтикори Муассисаи давлатии «Маркази кӯдакону наврасони шаҳри Душанбе» ва  Муассисаи байнидавлатии садо ва симои «Мир» ба муносибати Иди байналмилалии Наврӯз ҳамоиши бошукӯҳи фарҳангӣ баргузор гардид.

Тавре мухбири АМИТ «Ховар» хабар медиҳад,  дар ин маъракаи наврӯзӣ намояндагони мақомоти иҷроияи ҳокимияти давлатии шаҳри Душанбе, Сарраёсати маорифи шаҳри Душанбе, корпусҳои дипломатӣ ва созмонҳои байналмилалии   муқими Тоҷикистон ва меҳмонону сокинони пойтахт  иштирок намуданд.

Муовини Раиси шаҳри Душанбе Дилбар Одилзода ҳозиринро аз номи роҳбарияти мақомоти иҷроияи ҳокимияти давлатии шаҳри Душанбе, бахусус аз номи  Раиси шаҳр муҳтарам Рустами Эмомалӣ ба муносибати қудуми гулфишони Наврӯзи бостонӣ ва ҷаҳонӣ муборакбод гуфта, зикр кард, ки ин ҷашни  аҷдодии мо  таърихи зиёда аз  шаш ҳазорсола дорад.

«Наврӯзе, ки тавассути сиёсати хирадмандона, дурандешона ва фарҳанпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дубора эҳё шуд. Дубора дар кишвари Наврӯз суннатҳо ва арзишҳои наврӯзӣ зинда мешаванд ва мардуми ҷаҳон Тоҷикистонро ҳамчун кишвари Наврӯз ва Ватани Наврӯз мешиносанд. Байналмилалӣ гардидани Наврӯз шаҳодати он аст, ки ин ҷашн барои тамоми сокинони сайёра ҷашни муқаддас аст», — афзуд Дилбар Одилзода.

Дар  ҷамъомади идона зикр гардид, ки мақоми байналмилалиро соҳиб шудани  Наврӯз имкон фароҳам овард, ки мардуми олам аз фалсафаи эҳёгариву созандагӣ ва башардӯстонаи ин ҷашни бисёр қадима ҳарчи бештар огоҳ гарданд, зеро Наврӯз танҳо марбут ба қаламрави зуҳури он набуда, балки суннату анъанаҳои неки он метавонанд ҳамчун василаи ҳамзистии осоиштаи тамоми инсоният хизмат намоянд.

Сипас базми наврӯзӣ бо садои руҳбахши сурнаю карнай ва дафнавозии таълимгирандагони маҳфилҳои асбобҳои зарбию нафасии Муассисаи давлатии «Маркази кӯдакону наврасони шаҳри Душанбе» идома ёфт.

Кӯдакону наврасон бо ба бар намудани либосҳои идонаи баҳорӣ ба ҷашн ҷилои тоза бахшиданд.


Дастархони оростаи иштирокчиёни ин базми идона, ки бо риояи суннатҳои Наврӯзии ҳафтсину ҳафтшин ва таомҳои миллӣ зиннат дода шуда буд, як гӯшаи базмгоҳро шукӯҳи тоза мебахшид. Иштирокчиёни базм ҳамчунин  аз намоишгоҳи фарҳанги наврӯзӣ, ки дар он намунаҳои гуногуни осори санъати наққошиву гулдӯзӣ, ҳунарҳои мардумӣ, унсурҳои фарҳанги наврӯзӣ, хӯрокҳои миллӣ ба тамошо гузошта шуда буданд, дидан карданд.

Сипас дар саҳни Муассисаи мазкур намоиши театрӣ, ки аз тарафи таълимгирандагон ташкил карда шуда буд, оғоз гардид.  Рақсу таронаҳои тараннумкунандаи фасли баҳору Наврӯз  ба маъракаи  наврӯзӣ  шукӯҳи хосса бахшиданд.

 

АКСҲО: АМИТ«Ховар»

Март 17, 2022 17:12

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд