Намояндагони Тоҷикистон дар Намоишгоҳи байналмилалии «Konya Agriculture 2022» дар Туркия ширкат намуданд
ДУШАНБЕ, 13.03.2022 /АМИТ «Ховар»/. Дар шаҳри Конияи Ҷумҳурии Туркия 8-12 уми март 18-умин Ярмаркаи байналмилалии соҳаи кишоварзӣ «Konya Agriculture 2022» баргузор гардид, ки дар он намояндагон аз Палатаи савдо ва саноати вилояти Суғд ва тоҷирони Ҷумҳурии Тоҷикистон низ иштирок намуданд.
Дар ин бора имрӯз хабарнигори АМИТ «Ховар» аз Туркия иттилоъ расонид.
Дар ин ярмарка даҳҳо ҳазор нафар намояндагон аз 116 давлат ва 76 шаҳру ноҳияҳои Туркия ширкат варзиданд. Дар ҳамоиши мазкур зиёда аз 461 нафар намояндагони ширкатҳои байналмилалӣ аз 20 давлати ҷаҳон навтарин маҳсулот ва техникаҳои худро дар соҳаи кишоварзӣ намоиш доданд.
Намоиш бо дастгирии Вазорати кишоварзӣ ва хоҷагии Ҷумҳурии Туркия, Мавлоно – Агентии Рушд (Mevlana Kalkınma Ajansı), мудирияти вилоятии кишоварзӣ ва хоҷагии Кония, Иттиҳоди палатаҳои кишоварзии Туркия (TZOB), Иттиҳоди марказии кооперативҳои қарзии кишоварзӣ, Панкобирлик, Палатаи савдои Кония, Палатаи саноати Кония, Биржаи молии Кония оҳандозӣ гардид.
Илхан Эрсозлу, мудири кулли созмони ярмаркаи Туяп Кония ( TÜYAP ) зимни мусоҳиба бо хабарнигори АМИТ «Ховар» чунин зикр намуд: «Муддати 2 сол аст, ки кишоварзон мунтазири баргузории ин намоиши бошукӯҳ буданд, зеро бо суръат паҳн гардидани COVİD-19 монеи ташкил кардани он гардида буд. Аз ин лиҳоз намоиши мазкур барои соҳаи кишоварзии Ҷумҳурии Туркия аҳамияти хосса дорад».
Бино ба суханони Илхан Эрсозлу, барои иштирок дар ин намоиш 3 ҳазору 600 нафар соҳибкорон аз Иттиҳоди Аврупо, Ховари Миёна, кишварҳои Халиҷи Форс, Осиёи Марказӣ ва Африқо сабти ном карданд.
Дар рафти ҳамоиш иштирокчиён ва намояндагон аз ширкатҳои байналмилалӣ бо намояндагони фирмаҳои Туркия дар шакли B2B мулоқотҳо анҷом доданд.
Бояд зикр намуд, ки сафари Вазири саноат ва технологияҳои нави Ҷумҳурии Тоҷикистон Шералӣ Кабир ба Кония дар моҳи декабри соли гузашта боиси густариши равобити тоҷирон ва ширкатҳои Тоҷикистон бо соҳибкорони Туркия гардид.
Манижа МАҚСУДОВА
хабарнигори АМИТ «Ховар»
АКСҲО аз муаллиф
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
Роҳи мошингарди «Айнӣ – Кӯҳистони Мастчоҳ» навсозӣ мешавад
Лоиҳаи Барномаи нави саноатикунонии босуръати Тоҷикистон барои солҳои 2026-2030 таҳия мегардад
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
