Наврӯз-ситоишгари зиндагию рӯшноӣ ва накӯкорӣ. Дар шаҳри Роғун тантанаҳои наврӯзӣ оғоз ёфтанд

Март 14, 2022 14:01

РОҒУН, 14.03.2022 /АМИТ «Ховар»/. Бахшида ба ҷашни байналмилалии Наврӯз дар Коллеҷи муҳандисию техникии шаҳри Роғун бо иштироки кормандони ташкилоту муассисаҳо ин иди хуҷастапай дар сатҳи баланди ташкилию эҷодӣ ва дар доираи арзишҳои миллию фарҳангӣ, суннатҳои наврӯзӣ ва барномаҳои фарҳангӣ баргузор гардид, иттилоъ дод сармутахассиси шуъбаи рушди иҷтимоӣ ва робита бо ҷомеаи шаҳри Роғун Шоира Раҷабалиева  ба хабарнигори АМИТ «Ховар». 

Дар маҳфили идона иҷрокунандаи вазифаи раиси шаҳри  Роғун Суннатулло Саидзода дар якҷоягӣ бо роҳбарони шуъбаю бахшҳои  мақомоти иҷроияи ҳокимияти давлатии  шаҳр аз намоиши дастовардҳои Коллеҷи муҳандисию техникӣ, гӯшаи ҳунарҳои мардумӣ ва таомҳои миллӣ дидан намуда, иброз дошт, ки «ҷашни Наврӯз аз замонҳои қадим то ба имрӯз бо ғояҳои олии башарӣ, дӯстию иттиҳод, созандагӣ, ободкорӣ, инсонпарварӣ ва шукргузории бепоён аз неъматҳои табиат мардумро гирди ҳам овардааст. Наврӯз маҷмӯае аз андӯхтаҳои хирадмандонаи халқу миллати куҳанбунёди мо мебошад, ки зиндагию рӯшноӣ, некию накӯкорӣ, сулҳу созандагиро ситоиш мекунад ва мақоми инсонро азизу гиромӣ медорад.

Мояи сарбаландист, ки мо имрӯз ин ҷашни таърихиро дар замони рушду шукуфоии Тоҷикистони азиз, ваҳдату якдигарфаҳмӣ, афзун намудани дастовардҳои соҳибистиқлолии мамлакат таҷлил менамоем. Аз ин рӯ ҳар фарди бонангу номуси мамлакатро зарур аст бо неруи дучанд барои ободонии Ватан саъю талош намояд».

Ёдовар мешавем, ки дар тамоми ҷамоати шаҳраку деҳоти шаҳри Роғун ва ташкилоту муассисаҳо тантанаҳои наврӯзӣ аз 10 март оғоз ёфта, бо навбат баргузор мешаванд.

 

АКС: Мақомоти иҷроияи ҳокимияти давлатии шаҳри Роғун

Март 14, 2022 14:01

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд