Сафири Ҳиндустон дар Душанбе Вираҷ Синх: «Дар Донишкадаи давлатии забонҳои Тоҷикистон ҷаҳонро дидем»
ДУШАНБЕ, 29.03.2022 /АМИТ «Ховар»/. Мо имрӯз дар Донишкадаи давлатии забонҳои Тоҷикистон ҷаҳонро дидем. Чунин ибрози назар намуд бо забони тоҷикӣ Сафири Ҳиндустон дар Тоҷикистон Вираҷ Синх зимни баргузории фестивали «Нақши забон дар тарғиб ва шинохти Наврӯз» дар Донишкадаи давлатии забонҳо ба номи Сотим Улуғзода, хабар медиҳад АМИТ «Ховар» бо истинод ба Донишкада.
Дар фестивали мазкур, ки 28 март баргузор гардид, ректори Донишкада Жило Гулназарзода, раиси Кумитаи забон ва истилоҳот Олимҷон Муҳаммадҷонзода, Сафири Ҷумҳурии Корея дар Тоҷикистон Квон Донг Сок, Сафири Ҳиндустон дар Тоҷикистон Вираҷ Синх ва котиби аввали Сафорати Русия дар Тоҷикистон Игор Бурулко ширкат намуда, сухан гуфтанд.
Жило Гулназарзода изҳор дошт, ки «мо ифтихор аз он менамоем, ки имрӯз ҷашни куҳанбунёди тоҷикон — Наврӯз расман мақоми ҷаҳонӣ пайдо карда, барои устувору қавитар гаштани дӯстиву ваҳдати халқҳои олам, тақвияти ҳусни тафоҳум миёни онҳо ва беҳдошти робитаҳои фарҳангии миллату қавмҳо нақши шоиставу барҷаста мегузорад».
Ба ифтихори ҷашни фархундаи Наврӯз дар партави моҳвораи Фестивали забонҳо бо иштироки меҳмонони дохиливу хориҷӣ дар Донишкада маҳфилу конфронсҳо, мусобиқоти гуногун ва озмуни «Мақолаи беҳтарин дар ситоиши Наврӯз» ташкил шуданд.
Меҳмонон аз гӯшаҳои махсуси факултаҳо, ки дар он расму суннатҳои наврӯзии сарзамини маҳбубамон, либосҳои миллии мардумӣ, дастархон бо хӯрокҳои наврӯзӣ, дастовардҳои миллӣ, ороиши ҳунарҳои мардумии миллати тоҷику дигар миллатҳо ба намоиш гузошта шуда буд, боздид намуда, аз фарҳанги баланди мардуми тоҷик ва бо чандин забони хориҷӣ сухан гуфтану шеърҳо қироат намудани донишҷӯёни ин боргоҳи сухан ба ваҷд омаданд.
Қисмати фарҳангии фестивал бо омадани Маликаи Наврӯзу Бобои деҳқон ва табрикоти донишҷӯён бо забонҳои тадрисшаванда (тоҷикӣ, русӣ, англисӣ, олмонӣ, фаронсавӣ, чинӣ, куриёӣ, ҷопонӣ, арабӣ) оғоз гардида, баъдан аз ҷониби як гурӯҳ донишҷӯён оинҳои наврӯзӣ (хонарӯбӣ, гӯштингирӣ, панҷакбозӣ, гулдӯзӣ) ба маърази тамошо гузошта шуд.
Дар идома сурудҳо бо забони тоҷикию дигар забонҳои хориҷӣ ва рақсҳои ҷаззоби гулдухтарон пешниҳоди ҳозирин гардонида шуданд.
АКСҲО: ДДЗТ
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
Агентиҳои иттилоотии Тоҷикистон ва Чин ба марҳалаи нави ҳамкорӣ ворид мешаванд
Таҳкими ҳамкорӣ дар самти дастгирии иттилоотӣ ва тарғиби сиёсати дӯстонаи Тоҷикистон ва Чин баррасӣ шуд
Ба бузургдошти мутафаккири барҷастаи тоҷик Абӯалӣ ибни Сино симпозиуми байналмилалӣ доир мешавад
Дар шаҳри Теҳрон «Шаби Тоҷикистон» баргузор гардид
