ДАР ПАРТАВИ ҲИДОЯТҲОИ ПРЕЗИДЕНТ. Дар шаҳри Кӯлоб бахшида ба иди Рамазон ярмаркаҳои фурӯши маҳсулоти мавриди ниёзи аввал ташкил карда мешаванд
КӮЛОБ, 18.04.2022 /АМИТ «Ховар»/. Бахшида ба иди шарифи Рамазон дар шаҳри Кӯлоб аз 23 то 30 апрел ярмаркаҳои фурӯши маҳсулоти хӯрока, аз қабили орд, равған, макарон, қанд, картошка, пиёз, сабзӣ ва ғайра бо нархои арзон ба роҳ монда мешаванд. Дар ин бора хабарнигори минтақавии АМИТ «Ховар» Сулаймон ХОЛЗОДА имрӯз иттилоъ дод.
Тавре мудири шуъбаи иқтисод ва савдои мақомоти иҷроияи ҳокимияти давлатии шаҳри Кӯлоб Алимад Раҳмонов иброз дошт, Корхонаи истеҳсоли орди шаҳри Кӯлоб, ҷамъияти матлубот ва соҳибкорон маҳсулоташонро дар 4 нуқтаи шаҳр ба фурӯш мебароранд.
Чунин ярмаркаҳо ҳамасола дар арафа ва рӯзҳои иди Рамазон ва Қурбон, дигар сана ва рӯзҳои ҷашнӣ ба роҳ монда шуда, корхонаҳо маҳсулотҳояшонро бо нархи арзон дастраси мизоҷон мегардонанд.
Алимад Раҳмонов ҳамчунин афзуд, ки Корхонаи истеҳсоли орди шаҳри Кӯлоб тӯли чандин сол аст, ки фаъолият намуда, бо дастгирии Агентии захираҳои моддии давлатии назди Ҳукумати Ҷумҳурии Тоҷикистон бо таҷҳизот ва шароитҳои зарӯрӣ таъмин гардидааст. Корхона дар як шабонарӯз 90 тонна ашёи хомро коркард намуда, орди навъҳои якум ва дуюм, инчунин хӯроки чорво истеҳсол менамояд.
«Агар як халта орд дар бозор ва мағозаҳо аз 340 то 360 сомонӣ фурӯхта шавад, нархи як халта орди корхона 300 сомонӣ мебошад, ки ҳамарӯза аҳолии шаҳри Кӯлоб аз мағозаҳои корхона онро харидорӣ менамоянд. Иқтидори корхона дар як сол 9 ҳазор тонна буда, хоҷагиҳои деҳқонӣ низ метавонанд маҳсулотҳои худро дар корхона мувофиқи шартнома коркард намоянд. Ашёи хом аз ҷумҳуриҳои Узбекистон ва Қазоқистон ба корхона ворид карда шуда, аз ташхиси лабораторӣ гузаронида шуда, ба фурӯш бароварда мешавад.,- гуфт Алимад Раҳмонов.
Мавриди зикр аст Президенти Ҷумҳурии Тоҷикистон 1 апрели соли равон дар Паёми шодбошии худ ба муносибати фарорасиии моҳи шарифи Рамазон аз болоравии нархҳо дар саросари олам бар асари вазъи бисёр муташанниҷу буҳронии ҷаҳон ёдовар шуда, роҳбарони вазорату идораҳои дахлдор, шаҳру ноҳияҳо, хоҷагиҳои деҳқонӣ, соҳибкорон ва кули шаҳрвандони кишварро даъват намуданд, ки тамоми захираву имкониятҳои худро барои исьтеҳсоли маҳсулот, захира кардани маводи ғизоӣ ва ҳифзи амнияти озуқаворӣ сафарбар намоянд.
«Мо бояд нисбат ба ҳар вақти дигар сарҷамъу муттаҳид гардида, кор кунем, заҳмат кашем, ҳарчи бештар маҳсулот истеҳсол кунем ва нагузорем, ки халқамон аз камчинии маводи ғизоӣ ва болоравии нархҳо муҳтоҷӣ ва азияту танқисӣ кашанд», — иброз намуданд Сарвари давлат.
АКСҲО:АМИТ «Ховар»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
