Матлубахон Сатториён вобаста ба баланд бардоштани сатҳи таълим бо омӯзгорони Донишгоҳи давлатии Хуҷанд суҳбат намуд

Апрель 8, 2022 13:49

ДУШАНБЕ, 08.04.2022. /АМИТ «Ховар»/. Дар доираи сафари корӣ ба вилояти Суғд муовини Сарвазири Ҷумҳурии Тоҷикистон Матлубахон Сатториён аз якчанд факултетҳои Донишгоҳи давлатии Хуҷанд ба номи академик Бобоҷон Ғафуров дидан намуда, ҳамзамон ба устодону донишҷӯёни донишгоҳ доир ба баланд бардоштани сатҳи таълим, омӯзиши фанҳои дақиқ, забономӯзӣ, таъминот бо китобҳои тахассусӣ ва адабиёт, беҳтар намудани сифати таҳсилот дастуру маслиҳатҳои муфид дод.

Тавре дар маркази матбуоти Вазорати маориф ва илми Ҷумҳурии Тоҷикистон ба АМИТ «Ховар» хабар доданд, дар ин ташаббус муовини Сарвазирро гурӯҳи кории Ҳукумати Ҷумҳурии Тоҷикистон аз ҳисоби муовинони вазорату идораҳои давлатӣ ҳамроҳӣ намуд.

Дар доираи ин иқдом аз осорхонаи донишгоҳ, факултети санъати тасвирӣ ва технология, инчунин факултети физикаю техника боздид ба амал омад.

Инчунин зимни боздид муовини Сарвазир дар факултети санъати тасвирӣ ва технология бо Арт — галереяи Монӣ, шароити синфхонаҳои дӯзандагӣ, кандакорӣ, устохонаи таълимӣ, заминаи техникии ихтисосҳои технология ва дизайни маҳсулоти дӯзандагӣ аз наздик шинос шуд.

Таъкид гардид, ки таъмини рушди соҳаи илму маориф аз ҳадафҳои меҳварии Барномаи Ҳукумати Ҷумҳурии Тоҷикистон буда, ҷиҳати ғамхорӣ ва дастгирии кормандони соҳа бо дастури Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон мунтазам тадбирҳои судманд роҳандозӣ мешаванд.

Дар идома муовини Сарвазири ҷумҳурӣ аз лабораторияи механикаи факултети физикаю техника дидан намуда, бо таҷҳизот, лавозимоти техникӣ ва номгӯи корҳои лаборатории дар ин озмоишгоҳ иҷрошаванда шинос гардид.

Ба Матлубахон Сатториён иттилоъ дода шуд, ки дар донишгоҳ 32 лаборатория амал намуда, дар доираи эълон гардидани «Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф» таъсиси озмоишгоҳҳои дигар дар нақша аст.

Дар ин замина бо таваҷҷуҳ ба баланд бардоштани маънавиёт ба масъулин дастур дода шуд, ки ҷиҳати омода намудани мутахассисони ҳирфаӣ дар соҳаи илмҳои дақиқ тадбирҳои зарурӣ андешанд.

АКС: Маркази матбуоти Вазорати маориф ва илми ҶТ

Апрель 8, 2022 13:49

Хабарҳои дигари ин бахш

Байни хонандагони муассисаҳои таълимии пойтахт озмуни шаҳрии «Тоҷи сари ҷумла ҳунарҳост илм» идома дорад
Хонандаи тоҷик дар мусобиқаи байналмилалӣ соҳиби медали тилло гардид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат менамоянд?
Дар Донишгоҳи давлатии Хоруғ Маркази омӯзиши ташаббусҳои глобалии Президенти Ҷумҳурии Тоҷикистон оид ба масъалаҳои обу иқлим ифтитоҳ ёфт
Саҳми донишманди барҷастаи тоҷик Абӯрайҳони Берунӣ дар инкишофи илму техника назаррас аст. Эҳдо ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф»
Президенти Тоҷикистон: «13 ҳазор нафар духтарони тоҷик дар давлатҳои хориҷӣ таҳсил менамоянд»
Дар Коллеҷи тиббии шаҳри Хуҷанд оид ба нақши Модар ҳамчун сарчашмаи зиндагӣ ҳамоиши идона доир шуд
Зиёда аз 14 ҳазор духтарон тибқи квотаи президентӣ муассисаҳои таҳсилоти олиро хатм намуда, ба нафъи давлату ҷомеа фаъолият доранд
Дар Кумитаи меъморӣ ва сохтмон оид ба арҷгузорӣ ба хизматҳои Зан-Модар ҳамоиши идона доир гардид
Дар Бохтар доир ба нақши технологияҳои рақамӣ дар воситаҳои ахбори омма конференсияи илмӣ-амалӣ баргузор гардид
Бахшида ба Рӯзи Модар дар Душанбе чорабинии сиёсӣ – фарҳангӣ таҳти унвони «Модар фариштаи меҳру шафқат» доир гардид
Гулнора Ҳоҷиева: «Барои ихтирои «Чордору» се сол пажуҳиш намудаам»