Сарвазири Тоҷикистон Қоҳир Расулзода аз ҷараёни таҷдиду навсозии НБО «Норак» дидан намуд

Апрель 5, 2022 13:00

ДУШАНБЕ, 05.04.2022 /АМИТ «Ховар»/. 4 апрел дар доираи сафари корӣ ба шаҳру ноҳияҳои вилояти Хатлон Сарвазири Ҷумҳурии Тоҷикистон Қоҳир Расулзода аз ҷараёни таҷдиду навсозии Неругоҳи барқи обии «Норак» ба номи Турсун Ӯлҷабоев дидан кард. Дар ин бора ба АМИТ «Ховар» дар мақомоти иҷроияи ҳокимияти давлатии вилояти Хатлон хабар доданд.

Зимни сафари корӣ Сарвазири мамлакатро раиси вилояти Хатлон Қурбон Ҳакимзода, муовинони соҳавӣ ва гурӯҳи корӣ иборат аз ҳайати намояндагии мақомоти иҷроияи ҳокимияти давлатии вилояти Хатлон ҳамроҳӣ намуданд.

Иттилоъ дода шуд, ки таҷдиди НБО «Норак» дар ду марҳила ба иҷро расонида мешавад. Аз 1 январи соли 2019 корҳои таҷдид ва барқарорсозӣ дар неругоҳ оғоз гардида, аз 12 июни соли 2018 ширкати «Андритс Гидро» дар марҳилаи якум ва дуюми пакети-1 дар озмуни тендерӣ ғолиб баромад ва пудратчии асосӣ интихоб шуд.

Ширкати «Андритз Гидро» дар доираи марҳилаи 1-уми Р1 таҷдиди 3 адад гидроагрегат ва таҷҳизоти асосӣ ва ёрирасони он, ивазнамоии 27 адад кранҳои борбардори неругоҳ, таҷдиди эҳтиёҷоти хусусии неругоҳ, таҷдиди 3 ҳалқаи барқии комплекси зеризаминӣ, ивази лифтҳои мусофирбар ва лифти борбардори неругоҳ, таҷдиди дарбандҳои кӯравӣ, таъмири обрасонҳои турбинавӣ, таҷдиди чоҳҳои заҳбурию заҳкаши неругоҳ ва таҷдиди системаи идораю назорат (SCADA)-ро анҷом медиҳад.


Марҳилаи 2-юми Р1 таҷдиди 6 адад гидроагрегат, таҷҳизоти асосӣ ва ёрирасони он мебошад.

Зимни боздид Сарвазири мамлакат ба пудратчиён вобаста ба анҷоми сифатноки корҳои сохтмонӣ тавсияҳо дод.

Ёдовар мешавем, ки Сарвазири Ҷумҳурии Тоҷикистон Қоҳир Расулзода ҷиҳати шиносоӣ бо  ҷараёни  кишти баҳории зироати кишоварзӣ, корҳои сохтмонӣ, соҳилмустаҳкамкунӣ, созандагию бунёдкорӣ дар иншооти сохташаванда бахшида ба таҷлили ҷашни 35-солагии Истиқлоли давлатии Ҷумҳурии Тоҷикистон бо сафари корӣ дар шаҳру ноҳияҳои вилояти Хатлон қарор дорад.

АКСҲО: Мақомоти иҷроияи ҳокимияти давлатии вилояти Хатлон

Апрель 5, 2022 13:00

Хабарҳои дигари ин бахш

Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид
«Тоҷик Эйр» дар масири Душанбе-Ванҷ-Душанбе аввалин парвози ҳавоиро анҷом дод
Масъалаҳои муҳими марбут ба пешгирии хавфҳои ҷойдошта дар ҷаласаи Шурои комплаенс баррасӣ гардиданд
Дар шаҳри Истаравшан 20 навъи ангур парвариш меёбад
Байни Тоҷикистон ва Бонки осиёии сармоягузориҳои инфрасохторӣ Созишномаи грантӣ ба имзо расид
Масъалаи таҳкими ҳамкорӣ байни мақомоти гумруки Тоҷикистон ва Агентии ҳамкории байналмилалии Корея баррасӣ гардид
Тоҷикистон расман мақоми нозириро дар Маркази бисёрҷонибаи ҳамкории маблағгузории рушд соҳиб шуд