БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. То соли 2025 дар Восеъ 25 муассисаи таълимӣ бунёд мегардад
ДУШАНБЕ, 02.05.2022. /АМИТ «Ховар»/. Ҷиҳати иҷрои дастуру ҳидоятҳои Пешвои миллат оид ба дастгирии соҳаи маориф ва сазовор пешвоз гирифтани 35-солагии Истиқлоли давлатии Ҷумҳурии Тоҷикистон дар мақомоти иҷроияи ҳокимияти давлатии ноҳияи Восеъ бунёди 25 адад муассисаҳои таълимӣ ба нақша гирифта шудааст. Дар ин бора мудири шуъбаи маорифи ноҳияи Восеъ Маҳмад Орифзода ба АМИТ «Ховар» хабар дод.
Дар айни замон корҳои сохтмонии 7 муассисаи таълимӣ оғоз гардида, қиcмате аз иншоот дар марҳилаи омодагӣ қарор дошта, қисмате ба нақша гирифта шудаанд. Соли 2022 7 мактаб сохта мешаванд ва масъалаи бо ҷойи нишаст таъмин кардани хонандагон ва шароити таълим беҳтар мегардад.
Иншооти сохтмонашон оғозёфта бинои иловагӣ дар шаҳраки Ҳулбук, барои 210 хонанда, сохтмони бинои иловагӣ дар деҳаи Кафтархона барои 180 хонанда, сохтмони синфхонаҳои иловагӣ дар деҳаи Ҳасан Қурбон барои 120 хонанда, сохтмони бинои иловагӣ дар деҳаи Охҷар барои 240 хонанда, сохтмони бинои иловагӣ дар Ҷамоати деҳоти ба номи М.Маҳмадалиев барои 240 хонанда, сохтмони бинои иловагӣ дар Ҷамоати деҳоти ба номи Мирзоалӣ Вайсов барои 240 хонанда ва сохтмони бинои иловагӣ дар деҳаи Хоҷа Ғалтони Ҷамоати деҳоти М.Вайсов барои 240 хонанда мебошанд.
«Вобаста ба иҷрои дастуру ҳидоятҳои Пешвои миллат оид ба дастгирии соҳаи маориф ва сазовор пешвоз гирифтани 35-солагии Истиқлоли давлатии Ҷумҳурии Тоҷикистон мақомоти иҷроияи ҳокимияти давлатии ноҳияи Восеъ тадбирҳои зарурӣ андешида, аз ҷониби роҳбарияти ноҳия ва масъулини соҳа дар тамоми деҳоти дуру наздик доир ба бунёди биноҳои нави таълимӣ, беҳтар намудани шароити таълиму тарбия бо фаъолону соҳибкорон, кумитаи падару модарони муассисаҳои таълимӣ пайваста суҳбату мулоқот баргузор менамояд. Тавре Пешвои миллат зикр карданд, «бунёди миллат аз маориф оғоз меёбад ва ғамхорӣ нисбат ба маориф – сармоягузорӣ барои рушди неруи инсонӣ ва ояндаи ободи давлат ва Ватан мебошад»,- иброз дошт мудири маорифи ноҳия.
Ба гуфтаи мавсуф, бо ба истифода додани ин иншоот барои 1470 нафар хонанда ҷойи нишаст муҳайё гардида, сохтмони муассисаҳои таълимии боқимонда то соли 2025 дар дигар ҷамоатҳои деҳоти ноҳия ба анҷом мерасанд.
Бояд тазаккур дод, ки Восеъ яке аз ноҳияҳои калон буда, шумораи муассисаҳои таълимии он ба 71 адад ва шумораи хонандагони дар ин муассисаҳо таҳсилдошта ба 54 ҳазор нафар мерасад. Соли сипаришуда муассисаҳои таълимиро 3100 нафар хатм карда, муассисаҳои таҳсилоти миёнаи умумӣ дарҳои худро ба рӯи 5400 нафар хонандагони синфҳои якум боз намуданд.
АКС: АМИТ «Ховар»
Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
Робитаҳои илмӣ-академӣ байни муассисаҳои таълимии Тоҷикистон ва Федератсияи Русия тақвият меёбанд
Ректори Донишгоҳи давлатии Самарқанд «Доктори фахрӣ»-и Донишгоҳи миллии Тоҷикистон шуд
Роҳҳои маҳаллии шаҳри Панҷакент мумфарш карда мешаванд
ТАЪТИЛИ ТОБИСТОНА. Дар ин давра маҳфилҳои ҳунару забономӯзӣ ва варзишию фарҳангии ройгон ташкил карда мешаванд
35-СОЛАГИИ ИСТИҚЛОЛИ ДАВЛАТӢ. Дар Истаравшан 990 иншоот бунёд, таъмир ва навсозӣ карда мешаванд
ТАЪТИЛИ ТОБИСТОНА. Волидайн ва масъулин барои бофароғат ва самаранок гузаронидани он чӣ гуна омодагӣ мебинанд?
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
