БОКС. Шоира Зулқайнарова чемпионати ҷаҳонро бо ғалаба оғоз намуд
ДУШАНБЕ, 12.05.2022 /АМИТ «Ховар»/. Муштзанбонуи шинохтаи тоҷик Шоира Зулқайнарова дар рӯзи 3-юми Чемпионати ҷаҳон оид ба намуди бокс муштзани кувайтӣ Алмутари Ноураро бо натиҷаи 5 бар 0 мағлуб намуд, хабар медиҳад шореҳи варзиши АМИТ «Ховар» бо истинод ба Федератсияи бокси Тоҷикистон
Муштзанбонуи тоҷик Шоира Зулқайнарова дирӯз дар Чемпионати ҷаҳон оид ба бокс дар Туркия дар вазни то 63 кг ба муқобили муштзани кувайтӣ Алмутари Ноура рақобат кард. Сабқати муштзанон дар даври 1/32-ниҳоӣ оғоз шуда, 5 раунд идома кард. Дар ин рақобат муштзани мо аз ҳариф дида як сару гардан боло буд ва бо қарори доварон бо натиҷаи 5 бар 0 ғалаба ба даст овард. Ҳамин тавр, Шоира Зулқайнарова ба марҳилаи 1/16- ниҳоӣ баромад.
Ҷумҳурии Тоҷикистонро дар ин мусобиқаи бонфуз 4 варзишгар — Сумайя Қосимова (-48кг), Руҳафзо Ҳақназарова (-50кг), Миҷгона Самадова (-57кг) ва Шоира Зулқайнарова (-63кг) намояндагӣ доранд. Онҳоро дар ин мусобиқа сармураббӣ Мирзо Шамсиев роҳбарӣ менамояд.
Дар рӯзи якуми мусобиқа муштзанбонуи кишвари мо Сумая Қосимова дар вазни то 48 кг аз муштзани булғорӣ Севда Асенова дар марҳилаи 1/32-ниҳоӣ шикаст хӯрд. Ҳамчунин муштзани дигари кишвари мо- Миҷгона Самадова дирӯз дар вазни то 57 кг ба муқобили муштзани тайванӣ Лин Ю –Тин ноком шуд.
Имрӯз муштзани дигари кишвари мо Руҳафзо Ҳақназарова дар вазни то 50 кг вориди ринг мешавад.
Ёдовар мешавем, ки мусобиқаи мазкур аз 6 то 21 май дар шаҳри Истанбул баргузор шуда, дар он 419 варзишгар аз 93 кишвари ҷаҳон ширкат меварзанд.
АКС аз манбаъҳои боз
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
