Дар Душанбе Конгресси VI байналмилалӣ ва намоишгоҳи «Гидроэнергетикаи Осиёи Марказӣ ва Баҳри Хазар 2022» баргузор мешавад

ДУШАНБЕ, 23.05.2022 /АМИТ «Ховар»/. Тавре қаблан хабар додем, 25-27 май дар шаҳри Душанбе Конгресс 6-уми байналмилалӣ ва Намоишгоҳи «Гидроэнергетикаи Осиёи Марказӣ ва Баҳри Хазар 2022» баргузор мешаванд. Дар ин бора мухбири АМИТ «Ховар» хабар медиҳад.

Созмондиҳандагони чорабинӣ хабар медиҳанд, ки дар конгресс зиёда аз 150 нафар роҳбарони корхонаҳои пешқадами энергияи барқароршаванда, сармоягузорон, пешвоёни технологияҳои Тоҷикистон, Узбекистон, Озарбойҷон, Қазоқистон, Гурҷистон, Арманистон, Русия, Қирғизистон, Олмон, Фаронса, Полша, Белгия Чин, Британияи Кабир, Люксембург, Туркия, Эрон, Сербия, Швейтсария, Канада ва дигар мамлакатҳо ширкат менамоянд.

Ташаббускорон самтҳои асосии кори конгресс ва намоишгоҳро номбар карданд:

• Сафари техникӣ ба НБО-ҳои «Роғун» ва «Норак»
• 150+ намояндагони топ-менеҷменти ширкатҳои асосии энергетикии минтақа, сармоягузорон, ҳукуматҳо ва интиқолдиҳандагони таҷҳизот ва хидматрасонӣ
• 30+ лоиҳаҳои ояндадори сармоягузорӣ оид ба сохтмон ва замонависозӣ
• Таваҷҷуҳи махсус! Мизи мудаввар: сохтмони НБО-и «Роғун»
• Ҷаласаи пленарии стратегӣ: Ҳамкории байналмилалӣ ва дастгирии давлатӣ дар рушди саноат чӣ нақш мебозанд?
• Нав! Ҳамгироии МБЭ: Назари маҷмӯӣ ба гидроэнергетика. Оянда дар гибридҳост?
• Намоишгоҳи истисноӣ ва муаррифии қарорҳои муосири технологӣ аз тарҳрезӣ то татбиқи лоиҳа
• Чӣ тавр сармояро ба минтақа ҷалб намуд?
• Андешаи коршиносони бахши молиявӣ
• 30+ соат муоширати корӣ ва ғайрирасмӣ: мизҳои мудаввари ҷолиб, вохӯриҳои дугона тибқи ҷадвали пешакӣ мувофиқашуда ва ғайра!

АКС: АМИТ «Ховар»