Дар Вазорати фарҳанг зиёда аз 20 номгӯй китобҳои бачагона ва 3 ҷилди силсилакитоби «Ҳафт ахтар» рӯнамоӣ шуд
ДУШАНБЕ, 27.05.2022. /АМИТ «Ховар»/. Бо ташаббуси Вазорати фарҳанги Ҷумҳурии Тоҷикистон, Муассисаи давлатии нашриявии «Адиб» намоиш-фурӯши китобҳои тозанашр ва маросими рӯнамоии зиёда аз 20 номгӯй китобҳои бачагона ва 3 ҷилди силсилакитоби «Ҳафт ахтар» баргузор гардид, иттилоъ доданд дар маркази матбуоти Вазорати фарҳанги Ҷумҳурии Тоҷикистон.
Намоиш-фурӯши китобҳои тозанашри нашриёти «Адиб» дар шафати бинои вазорат баргузор шуд, ки аз он аҳли фарҳанги кишвар, зиёиён, устодону шогирдони муассисаҳои таҳсилоти миёнаи умумии шаҳри Душанбе ва намояндагони ВАО дидан намуданд.
Дар намоиш-фурӯш китобҳои тозаэҷоди нашриёт, аз қабили китобҳои бадеӣ, илмӣ, соҳавӣ ва китобҳои бачагона ба маърази тамошо гузошта шуданд, ки иштирокчиён бо майлу шавқи беандоза ва бо нархҳои арзону дастрас онҳоро харидорӣ намуданд.
Ҳамзамон маросими рӯнамоии зиёда аз 20 номгӯй китобҳои бачагона ва 3 ҷилди силсилакитоби «Ҳафт ахтар», ки ба тозагӣ дар нашриёти «Адиб» рӯи чоп омадаанд, дар толори вазорат бо иштироки намояндагони ташкилоту идораҳои эҷодӣ, муассисаҳои олии тобеи вазорат ва муассисаҳои таҳсилоти миёнаи умумии пойтахт доир шуд.
Муовини Вазири фарҳанги Ҷумҳурии Тоҷикистон Давлат Сафарзода ба нашр расидани китобҳои бачагона ва 3 ҷилди «Ҳафт ахтар»-ро падидаи беназири даврони соҳибистиқлолии кишвар номида, иброз дошт, ки «имрӯзҳо маҳз бо дастгириҳои бевоситаи Президенти Ҷумҳурии Тоҷикистон муҳтарам Эмомалӣ Раҳмон китобҳои зиёди адибони классику муосири тоқик чоп мегарданд. Иқдоми наҷиби дигаре, ки роҳандозӣ гардид, ин ба нашр расидани зиёда аз 20 номгӯй адабиёти бачагона ва бори нахуст ба табъ расидани «Ҳафт ахтар» мебошад, ки мояи ифтихору хушҳолист. Нашри ин китобҳо барои тафаккури ҷомеаи имрӯзаи мо саҳми арзанда мегузорад».
АКС: Маркази матбуоти Вазорати фарҳанги Ҷумҳурии Тоҷикистон
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
