Дар Бадахшон шумораи гармхонаҳои наву инноватсионӣ меафзояд
ДУШАНБЕ, 22.06.2022 /АМИТ «Ховар»/. Роҳбарияти Вилояти Мухтори Кӯҳистони Бадахшон дар ноҳияи Рӯшон аз гармхонаи соҳибкор Амдам Давлатқадамов дидан намуданд. Дар ин бора АМИТ «Ховар» бо истинод ба мақомоти иҷроияи ҳокимияти давлатии ВМКБ хабар медиҳад.
Зимни сафари корӣ ба ноҳияи Рӯшон Раиси вилоят Алишер Мирзонабот аз гармхонаи мазкур дидан намуда, ба заҳмату талошҳои соҳибкор баҳои баланд дода, ба ин деҳқони асил пешниҳод намуд, ки майдони гармхонаҳоро васетар карда, бозори шаҳри Хоруғро бо маҳсулоти кишоварзӣ таъмин намояд.
Амдам Давлатқадамов ҳар сол аз гармхонаи бунёднамудааш ҳосили фаровон рўёнда, хонаводаашро бо маҳсулоти кишоварзӣ таъмин намуда, қисмати зиёди онро ба бозор бароварда, даромади хуб ба даст меорад.
Мавриди зикр аст, ки дар Бадахшон шумораи гармхонаҳо зиёд карда шуда, барои ҳосили фаровон гирифтан аз онҳо тамоми шароит фароҳам оварда шудааст. Аз ҷумла, гармхонаи инноватсионии Донишгоҳи давлатии Хоруғ (ДДХ), ки дар деҳаи Ҷелондеҳи ноҳияи Шуғнон соли гузашта бунёд шуда буд.
Бояд гуфт, ки гармхона дар Ҷелондеҳ бо тамоми шароиту имконияти муосир дар баландии тақрибан 3600 метр аз сатҳи баҳр сохта шуда, барои парвариши намудҳои гуногуни сабзавот мусоид мебошад. Феълан дар гармхонаи инноватсионӣ намудҳои гуногуни бодирингу помидор ва дигар сабзавот мавҷуд буда, баҳрабардорӣ аз гармхона дар сатҳи баланд ба роҳ монда шудааст.
Мавриди зикр аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати истифодаи мақсадноки замин, аз ҷумла ба роҳ мондани кишту парвариши зироати кишоварзӣ, ташкили гармхонаҳои наву инноватсионӣ ва гирифтани ҳосили фаровон аз онҳо пайваста таъкид менамоянд.
Бо дарки ин масъала, устодони факултети биологияи Донишгоҳи давлатии Хоруғ раванди парвариши сабзавотро дар гармхонаҳои инноватсионии донишгоҳ тақвият бахшида, дар таъмини бозори истеъмолӣ бо сабзавоти тару тоза саҳми арзанда гузошта истодаанд.
АКС: Мақомоти иҷроияи ҳокимияти давлатии ВМКБ
Ташаббусҳои глобалии Президенти Тоҷикистон дар самти обу иқлим ва ҳифзи пиряхҳо дар Женева тарғиб мегардад
«АГРО ЛАБ». Дар вилояти Хатлон Маркази машваратӣ ва ташхисгоҳи кишоварзӣ ифтитоҳ ёфт
«Амонатбонк» ва Бонки аврупоии таҷдид ва рушд ҳамкории молиявиро густариш медиҳанд
Дар ҳошияи ифтитоҳи Соли байналмилалии ҳифзи пиряхҳо дар Женева ташаббусҳои ҷаҳонии Президенти Тоҷикистон тарғиб карда мешаванд
Дар Душанбе ба муносибати иди касбии кормандони мақомоти гумрук маҷлиси тантанавӣ доир гардид
ИМРӮЗ-РӮЗИ КОРМАНДОНИ МАҚОМОТИ ГУМРУК. Барномаи миёнамуҳлати рушди мақомоти гумруки Тоҷикистон ба маъмурикунонӣ ва рақамикунонии соҳа мусоидат намуд
Дар Вазорати рушди иқтисод ва савдо оид ба Паёми Президенти Тоҷикистон ба Маҷлиси Олӣ ҳамоиш доир шуд
Тоҷикистон ва Эрон дар заминаи беҳдошти чорво ва байторӣ Ёддошти тафоҳум ба имзо расониданд
Дар Женева таҷлили Соли байналмилалии ҳифзи пиряхҳо якҷоя бо Созмони ҷаҳонии обуҳавошиносӣ ва ЮНЕСКО оғоз гардид
ПАХТАКОРӢ. Чаро дар Тоҷикистон ҳамасола дар ин бахши муҳими соҳаи кишоварзӣ нишондиҳандаҳо паст мешаванд?
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Гузариш ба иқтисодиёти рақамӣ барои беҳтарсозии вазъи иқтисодии Тоҷикистон қадами муҳим аст
Дар Душанбе доир ба рушди инноватсияи рақамӣ ҳамоиш доир гардид
