Миёни соҳибкорони вилоятҳои Суғд ва Ҷиззах 21 созишномаи ҳамкорӣ имзо шуд

Июнь 21, 2022 08:42

ДУШАНБЕ, 21.06.2022 /АМИТ «Ховар»/. Миёни коргоҳҳои истеҳсолии вилояти Ҷиззахи Ҷумҳурии Узбекистон ва вилояти Суғди Ҷумҳурии Тоҷикистон дар умум 21 созишнома ва меморандум ба имзо расид. Дар ин бора ба АМИТ «Ховар» дар хадамоти матбуоти Раиси вилояти Суғд хабар доданд.

Дар ин раванд, дар қатори намояндагони дигар мамолик иштироки намояндагони Ҷумҳурии Узбекистон, бахусус соҳибкорону меҳмонони мардуми ҷиззахзамин  17-18 июни соли 2022 дар Ярмаркаи байналмилалии савдо «Суғд — 2022» дар густариши равобити ҳамкорӣ назаррас буда, ҳар ду ҷониб аз ин вохӯрӣ натиҷаи самарабахш ба даст оварданд. Дар вохӯрӣ созишномаи дуҷонибаро   Раиси вилояти Суғд Раҷаббой Аҳмадзода ва Ҳокими вилояти Ҷиззах Эргаш Солиев ба имзо расониданд.

Ба имзо расидани созишномаҳои ҳамкорӣ байни маъмурияти минтақаи махсуси иқтисодии Ҷиззах бо маъмурияти Минтақаи озоди иқтисодии  вилояти Суғд, мақомоти иҷроияи ҳокимияти давлатии ноҳияи Янгиободи вилояти Ҷиззах бо мақомоти иҷроияи ҳокимияти давлатии шаҳри Истаравшани вилояти Суғд, ноҳияи Зомини вилояти Ҷиззах бо ноҳияи Шаҳристон ва шаҳри Истаравшани вилояти Суғд, ҶДММ «Янгиобод бахт агрокластер» -и вилояти Ҷиззах бо ноҳияи Деваштичи вилояти Суғд, ноҳияи Ғаллаороли вилояти Ҷиззах бо шаҳри Истаравшан ва ноҳияи Зафарободи вилояти Суғд, ноҳияи Янгиободи вилояти Ҷиззах бо ноҳияи Деваштич ва ноҳияи Зафарободи вилояти Суғд, ҳамчунин ҶСК «Агрокластер чимгорен»-и ноҳияи Зафарободи вилояти Ҷиззах бо ҶДММ «Намаки Ашт» -и ноҳияи Ашти вилояти Суғд, ҶСК «Арпасой Голд Текс»-и вилояти Ҷиззах бо коргоҳи дӯзандагии «Амир»-и вилояти Суғд, «Quwwat group»-и вилояти Ҷиззах бо корхонаи «Садаф»-и вилояти Суғд, «Холдинг Текстил»-и вилояти Ҷиззах бо «Наргис Текстил»-и вилояти Суғд, ҶСК «Zomin KIassder»-и вилояти Ҷиззах бо идораи кишоварзии вилояти Суғд, ҶСК «Баландҷиззах текстил»-и вилояти Ҷиззах бо ҶСК Коргоҳи дӯзандагии «Амир»-и вилояти Суғд, Матбааи «Ургенч Тезкор»-и вилояти Ҷиззах бо ҶДММ «Намаки Ашт» ва ширкати таблиғотии «МПринт»-и вилояти Суғд, «Zomin KIassder»-и вилояти Ҷиззах бо идораи кишоварзии ноҳияи Мастчоҳи вилояти Суғд, ҳамчунин ҶДММ «Модерна керамик Фарғона»-и вилояти Ҷиззах бо соҳибкори инфиродӣ М.Ҷӯраев аз вилояти Суғд бори дигар собит сохт, ки ҳар ду ҷониб аз ин иқдоми пешгирифтаи роҳбарияти вилоятҳо шоду мамнунанд.

Ҳамчунин дар доираи ҳамкорӣ ва муносибати дӯстонаи ҷумҳуриҳои Тоҷикистону Узбекистон дар Қасри «Арбоб»-и ноҳияи Бобоҷон Ғафуров барномаи фарҳангии «Шоми дӯстӣ» баргузор гардид.

АКС: Хадамоти матбуоти Раиси вилояти Суғд

Июнь 21, 2022 08:42

Хабарҳои дигари ин бахш

Дар ноҳияи Данғара дар 27 820 гектар зироат кишт шудааст, ки нисбат ба ҳамин давраи соли 2024 141,7 фоиз зиёд аст
Дар семоҳаи якуми соли 2025 дар Тоҷикистон 159 корхона аз фаъолияти истеҳсолӣ боз мондааст
Президенти Тоҷикистон: «Соли 2025 дар дунё соли гармтарин дар таърихи мушоҳидаҳо пешгӯйӣ шудааст»
Ҳайати Бонки чаҳонӣ ҳолати кунунии татбиқи ҷузъҳои барномавии Лоиҳаи БРАМОМ-4-ро таҳлил менамояд
Тоҷикистон ва Қирғизистон ҳамкориро дар самти муросилоти почта тақвият медиҳанд
Стратегияи нав ва чаҳорчӯби сармоявии Бонки аврупоии таҷдид ва рушд қабул карда шуд
Эмомалӣ Раҳмон: «Дар моҳҳои январ – апрели соли 2025 сармояи мустақими хориҷӣ дар вилояти Хатлон умуман ба қайд гирифта нашудааст»
Дар Душанбе ва Хуҷанд даврҳои байналмилалӣ оид ба бехатарии авиатсионӣ оғоз шуданд
Тавсеаи ҳамкории Бонки миллии Тоҷикистон бо «Numisma Bank»-и Амрико баррасӣ шуд
Дар Душанбе ҷаласаи Шурои байниҳукуматии лоиҳаи «CASA-1000» баргузор гардид
Дурнамои ҳамкории Тоҷикистон ва Кувайт дар самтҳои иқтисод, тиҷорат ва сармоягузорӣ баррасӣ шуд
Дар Душанбе масъалаи омодагӣ ба ҷаласаҳои солонаи Бонки исломии рушд баррасӣ гардид