АГЕНТИИ ОБУҲАВОШИНОСӢ ХАБАР МЕДИҲАД: Аз 27 то 30 июн дар Тоҷикистон ҳарорати рӯзонаи ҳаво баланд мешавад
ДУШАНБЕ, 27.06.2022 /АМИТ «Ховар»/. Аз 27 то 30 июн дар ҷумҳурӣ ҳарорати рӯзонаи ҳаво баланд шуда, дар вилояти Хатлон гармӣ то 45 дараҷа мерасад. Тавре дар Агентии обуҳавошиносии Тоҷикистон ба АМИТ «Ховар» иттилоъ доданд, дар водиҳои вилояти Хатлон ва ноҳияҳои тобеи ҷумҳурӣ ҳаво то 40+45 дарҷа гарм, дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон то 33+38 дараҷа гарм мешавад.
Дар ин рӯзҳо дар Вилояти Мухтори Кӯҳистони Бадахшон ҳаво тағйирёбанда мешавад. Ҳарорати ҳаво рӯзона аз 30 то 33 дараҷа гарм дар назар аст. Дар шарқи вилоят рӯзона 16+21 дараҷа гарм мешавад.
Дар водиҳои вилояти Суғд ҳаво рӯзона 20+25 дараҷа гарм, дар ноҳияҳои кӯҳӣ шабона 9+14 ва рӯзона ҳаво баланд шуда аз 23+28 то 29-34 дараҷа гарм мешавад.
Тибқи пешгӯии Агентии обуҳавошиносии Тоҷикистон, сокинони вилояти Хатлонро ин рӯзҳо ҳарорати баланди ҳаво интизор аст. Ҳаво рӯзона аз 33+38 то 40+45 дараҷа гарм мешавад.
Дар шаҳру ноҳияҳои тобеи марказ ва шаҳри Душанбе дар ин рӯзҳо ҳавои тағйирёбанда бебориш дар назар аст. Рӯзона дар шаҳри Душанбе ҳаво 40+42 дараҷа ва дар шаҳру ноҳияҳои тобеи марказ 37+42 дараҷа гарм мешавад.
Қаблан муовини сардори Маркази обуҳавосанҷии Агентии обуҳавошиносии кишвар Парвина Саидҷамолова ба АМИТ «Ховар» дар бораи баландшавии ҳарорати ҳаво дар моҳи июн иттилоъ дода буд.
Мавсуф зикр кард, ки дар Ҷумҳурии Тоҷикистон моҳи аввали тобистон ҳарорат муътадил шуда, охирҳои моҳи июн баландшавии он дар назар аст. Ҳамчунин дар ҷануби вилояти Хатлон ҳарорат то ба 44 дараҷа мерасад.
Ба андешаи табибон, организми инсон дар ин рӯзҳо обро бештар талаб мекунад. Аз ин рў, рӯз ҳар як сокини мамлакат бояд оби аз ҷиҳати экологӣ тоза истеъмол намояд, ба монанди оби ҷӯшонидашуда. Инчунин тавсия медиҳанд, ки ҳангоми аз хона баромадан ҳамроҳи худ об, кулоҳ ва чатр гиранд. Ҳангоми истифода аз роҳҳои кӯҳӣ ва назди рӯду дарёҳо эҳтиёткор бошанд. Бахусус ҷавонон ҳангоми истироҳат ва оббозӣ бодиққат буда, қоидаҳои шиновариро риоя намоянд.
АКС аз Дидор Саъдуллоев
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
