РАВАНДИ ОБИ ДУШАНБЕ. Дар Душанбе Форуми байналмилалии занон ва об доир мешавад

ДУШАНБЕ, 04.06.2022. /АМИТ «Ховар»/. 6 июн дар Муассисаи давлатии маҷмааи «Кохи Ваҳдат»  Форуми байналмилалии занон ва об доир мешавад. Форуми мазкур бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар доираи баргузории  Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028»  роҳандозӣ мегардад. Дар ин бора ба АМИТ «Ховар» аз Кумитаи кор бо занон ва оилаи мамлакат хабар доданд.

Ёдовар мешавем, ки 6-9 июни соли 2022  дар Душанбе Конфронси дуюми байналмилалии сатҳи баланд бахшида ба Даҳсолаи байналмилалии амал «Об барои рушди устувор, солҳои 2018-2028» таҳти унвони «Пешбурди амал ва шарикӣ дар соҳаи захираҳои об дар сатҳҳои маҳаллӣ, миллӣ, минтақавӣ ва ҷаҳонӣ»  баргузор мегардад.

Имрӯз дар шаҳри Душанбе  дар доираи Конфронси дуюми байналмилалии сатҳи баланд  оид ба Даҳсолаи  байналмилалии амал «Об барои рушди устувор, солҳои 2018-2028» ҷаласаи Пешвоёни  Эътилофи обу иқлим, инчунин  ҷаласаи ҳафтуми Кумитаи байналмилалии  машваратии Раванди оби Душанбе  оғоз гардид.

АКС аз бойгонӣ