Дар ноҳияи Бобоҷон Ғафуров бо беш аз 1 миллион доллар сармояи соҳибкорони узбек гармхонаи замонавӣ сохта мешавад

Июль 1, 2022 10:52

ДУШАНБЕ, 01.07.2022 /АМИТ «Ховар»/. Бо беш аз 1 миллион доллар сармояи соҳибкорони узбек дар хоҷагии деҳқонии «Темурҷон»-и ноҳияи Бобоҷон Ғафуров гармхонаи замонавӣ сохта мешавад. Масъалаи мазкур дар мулоқоти Раиси вилояти Суғд Раҷаббой Аҳмадзода бо соҳибкор аз Узбекистон Назирҷон Қодиров баррасӣ шуд,  хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Зимни мулоқот иттилоъ дода шуд, ки ин хоҷагии деҳқонӣ соли 2014 таъсис ёфта, наздики 5 гектар заминро дар ихтиёр дорад.

Раиси вилоят аз ташаббуси неки тарафҳо изҳори хушнудӣ намуда, барои амалишавии лоиҳа тавсияҳо дод.

Раҷаббой Аҳмадзода аснои суҳбат аз густариши робитаҳои иқтисодӣ ва тиҷоратӣ миёни соҳибкорони тоҷику узбек изҳори қаноатмандӣ карда, тақвияти ҳамкориро натиҷаи сиёсати хирадмандонаи сарони давлатҳои Тоҷикистон ва Узбекистон арзёбӣ намуд.

Таъкид гардид, ки доираҳои тиҷоратии ду тараф дар бахшҳои мухталиф, аз ҷумла кишоварзӣ ҳамкории мутақобилан судманд дошта, умед аст, ки дар оянда тарҳҳои муштаракро амалӣ созанд.

Изҳори боварӣ карда шуд, ки соҳибкорони тоҷику ӯзбек дар оянда низ аз имкониятҳои мавҷуда барои боз ҳам рушд бахшидани ҳамкорӣ истифода мекунанд.

АКС: Хадамоти матбуоти Президенти ҶТ/Хадамоти матбуоти Раиси вилояти Суғд

Июль 1, 2022 10:52

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад