ФУТБОЛ. Дастаи мунтахаби ҷавонони Тоҷикистон (U-19) ба чемпионати CAFA омодагӣ мебинад

Июль 26, 2022 09:44

ДУШАНБЕ, 26.07.2022 /АМИТ «Ховар»/. Дастаи мунтахаби ҷавонони Тоҷикистон (U-19) таҳти роҳбарии сармураббӣ Аҳлиддин Турдиев дар Душанбе ҷамъомади таълимиву тамринӣ оғоз кард, ки ҳадафи он омодагӣ ба чемпионати Ассотсиатсияи футболи Осиёи Марказӣ (CAFA) мебошад, хабар медиҳад АМИТ «Ховар» бо истинод ба Федератсияи футболи Тоҷикистон.

Аҳлиддин Турдиев ба ин ҷамъомад 24 бозигар – 3 дарвозабон, 7 ҳимоятгар, 11 нимҳимоятгар ва 3 ҳамлагарро даъват кардааст. Ба далели он ки чемпионати CAFA-2022 дар рӯзҳои ФИФА баргузор намешавад, легионерҳо дар ин мусобиқа наметавонанд дар ҳайати дастаи ҷавонон бозӣ кунанд. Бо мувофиқа бо бошгоҳҳо бозигарони дар хориҷабуда ба ҳайати дастаи мунтахаби ҷавонони Тоҷикистон барои бозиҳои расмӣ – марҳилаи интихобии Ҷоми Осиё-2023, ки аз 14 то 18 сентябр дар Душанбе баргузор мешавад, даъват мегарданд.

Дар чемпионати CAFA-2022 дастаи мунтахаби ҷавонони Тоҷикистон (U-19) бо ҳамсолони худ аз Афғонистон (6 август), Қирғизистон (8 август), Узбекистон (10 август) ва Эрон (12 август) бозӣ мекунад. 

Ҳайати дастаи мунтахаби ҷавонони Тоҷикистон (U-19) барои ҷамъомади таълимиву тамринӣ дар Душанбе:  

Дарвозабонҳо: Сафармад Ғаффоров («Регар-ТадАЗ»), Суҳробхӯҷа Юсупов («Хуҷанд»), Шаҳобиддин Маҳмудзода («Динамо»);

Ҳимоятгарон: Меҳрубони Абдурауф, Раҳматшо Раҳматзода, Фахриддин Аҳтамов, Шаҳриёри Иноятулло, Рӯзимуҳаммад Абдураҳмонов, Содиқ Қурбонов (ҳама аз«Динамо»), Асадбек Зиёзода («Истаравшан»);  

Нимҳимоятгарон: Абдулло Шарипов (КМВА), Азизбек Ҳайитов, Иброҳим Зокиров (ҳарду аз «Регар-ТадАЗ»), Аббос Андалибов, Амирҷони Фаррухзод (ҳарду аз «Равшан»-и Кӯлоб), Бежан Нишонбойзода, Фатҳулло Олимзода, Азизбек Далиев, Меҳроб Асоев (ҳама аз «Динамо»), Салохиддин Иргашев («Металлург», Узбекистон), Салам Ашурмамадов (бидуни даста);

 Ҳамлагарон: Сунатулло Азизов («Динамо»), Асадбек Ҷӯрабекзода (КМВА), Далер Шарипов («Металлург», Узбекистон).  

Сармураббӣ – Аҳлиддин Турдиев.

Акс: ФФТ

Июль 26, 2022 09:44

Хабарҳои дигари ин бахш

Мусобиқаи 15-уми байналмилалӣ оид ба теннис дар Душанбе идома дорад
Мусобиқаи байналмилалӣ оид ба теннис барои дарёфти Ҷоми Президенти Ҷумҳурии Тоҷикистон оғоз меёбад
«Регар-ТадАЗ» бори ҳаштум барандаи Ҷоми Тоҷикистон-2025 оид ба футбол шуд
Имрӯз бозии ниҳоии Ҷоми Тоҷикистон-2025 оид ба футбол баргузор мегардад
«Мактаб-интернати таҳсилоти умумии ҷумҳуриявии тамоюли варзишӣ ба номи Иброҳим Ҳасанов» баъд аз таъмири куллӣ ба истифода дода шуд
Пагоҳ бозии ниҳоии Ҷоми Тоҷикистон-2025 оид ба футбол баргузор мегардад
Ҷудочии тоҷик Рошид Неъматов дар Чемпионати Осиё байни наврасон медали тилло ба даст овард
Шамшербозони навраси тоҷик нахустин маротиба дар Ҷоми Осиё соҳиби медали биринҷӣ шуданд
Варзишгари тоҷик Мадина Қурбонзода дар Чемпионати Осиё соҳиби медали тилло гардид
ҶОМИ ОСИЁ-2026. Дастаи мунтахаби олимпии Тоҷикистон (U-23) бо тими олимпии Филиппин бозӣ менамояд
ҶОМИ ОСИЁ-2026. Дастаи мунтахаби олимпии Тоҷикистон (U-23) марҳилаи интихобиро бо пирӯзӣ бар Непал оғоз кард
«CAFA Nations Cup 2025». Имрӯз дастаи мунтахаби Тоҷикистон бо тими Эрон бозӣ мекунад