Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
ДУШАНБЕ, 08.08.2022 /АМИТ «Ховар»/. Дар Малайзия ҷомаи нодир аз Суғд, ки таърихи 1311-сола дорад, нигоҳ дошта мешавад, иттилоъ медиҳад АМИТ «Ховар» бо истинод ба Вазорати фарҳанги Ҷумҳурии Тоҷикистон.
Дар ин бора зимни баргузории Конгресси VI байналмилалии Ҷамъияти ҷаҳонии омӯзиш, ҳифз ва оммавигардонии мероси фарҳангии Узбекистон, ки 23 июли соли равон дар Самарқанд баргузор шуд, маълум гардид.
Дар бораи ин ҷомаи нодир сармутахассиси Осорхонаи санъати исломии Малайзия Ҳеба Наел Баракат иттилоъ дод.
«Ин ягона ҷомаи суғдӣ дар ҷаҳон аст, ба монанди он дигар боқӣ намондааст. Дар остини ҷома нақши аспҳои болдор бо дарахти ҳаёт дар зери сумҳояшон тасвир шудааст. Рангҳои матоъро ҳоло ҳам шинохтан мумкин аст— сабз, сурх, кабуд, зардтоб, инчунин расмҳо дар шакли медалйонҳо тасвир ёфтаанд. Дар деворҳои шаҳраки бостонии Самарқанд – Афросиёб деворнигораҳо (наққошӣ дар гаҷҳои тар, яке аз усулҳои рангкунии девор) ёфт шуданд, ки дар онҳо як гурӯҳ одамон маҳз бо ин гуна ҷомаҳо тасвир шудаанд. Афросиёб-шаҳраки қадимие бо масоҳати беш аз 200 гектар бо намуди анбӯҳи теппаҳои зарду хокистаррангест, ки дар қисмати шимолии Самарқанди муосир ҷойгир аст», — гуфт манбаъ.
Афросиёб харобаҳои Самарқанди бостонӣ маҳсуб мешавад. Дар асри XVII харобаҳо ба ифтихори шоҳи афсонавии Тӯрон- Афросиёб, яке аз қаҳрамонони афсонавии достони «Шоҳнома»-и шоири тоҷику форс Фирдавсӣ ин номро гирифтаанд.
Суғд вилояти таърихии қадимӣ дар Осиёи Марказӣ аст, ки дар қисмати шарқии дарёҳои Омӯ ва Яксарт, дар маркази водии Зарафшон ҷойгир аст. Аз асри IХ бахше аз Мовароуннаҳр ва давлати Сомониён номида мешавад.
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
Дар Душанбе Фестивали фарҳангии Тоҷикистону Корея-2026 баргузор мешавад
Дар Тоҷикистон Рӯзҳои фарҳанги Федератсияи Русия баргузор мешаванд
Дар доираи Рӯзҳои фарҳанги Тоҷикистон дар Қирғизистон ҳамоиши илмӣ — адабӣ баргузор гардид
