БО ҲАМЛАИ НИЗОМИЁНИ ҚИРҒИЗ МО ҲАРГИЗ ТАРКИ ЗАМИНИ АҶДОДӢ НАМЕКУНЕМ. Чунин изҳор менамояд бо ифтихори ватандорӣ сокини 60-солаи деҳаи Хоҷаи Аълои Исфара Абдукарим Шарифзода
ДУШАНБЕ, 23.09.2022 /АМИТ «Ховар»/. Низомиёни Қирғизистон бо ҳамлаи таҷовузкоронаи худ 16 сентябр ҷони чанд нафар аҳолии осоиштаро рабуда, манзили истиқоматии сокинони моро ба харобазор табдил доданд. Бо ин амали нангинашон онҳо гумон кардаанд, ки гӯё мо аз тарс хоки аҷдодии хешро партофта, мисли онҳо кӯчманчӣ мешавем. Ҳаргиз, ин сарзамини аҷдодии мост. Агар дар ин ҳамлаҳои мусаллаҳона баъзе сокинон захираи хӯроквории худро аз даст дода бошанд, замини пур аз ганҷи мо мунтазири он аст, ки неъматашро зудтар ҷамъоварӣ намоем. Яъне, агар захираи гандумамон сӯхта бошад, ҳоло дар заминҳои мо ҳосили шолӣ фаровон аст. Чунин иброз намуд сокини 60-солаи деҳаи Хоҷаи Аълои ҷамоати Ворухи шаҳри Исфара Абдукарим Шарифзода ба хабарнигори АМИТ «Ховар».
Ба гуфтаи ӯ, Исфара макони беҳтарин намудҳои зардолу ва биринҷ аст, ки дар бозори дохилӣ ва хориҷи мамлакат харидори зиёд доранд. Кишоварзони мо имсол дар майдони зиёдтар шолӣ кишт намудаанд, ки дар айни замон вақти ҷамъоварии ҳосили он фаро расидааст.
«Мардуми мо тайи ду-се соли охир тибқи дастуру тавсияҳои Сарвари давлат амал карда, ҳар ваҷаб заминро самаранок истифода мебаранд. Ҳар оилаи ҷамоати мо аз 500 то 2-3 тонна гандум захира менамояд. Мо ҳамчунин ба бозори истеъмолии мамлакат дигар намудҳои маҳсулоти кишоварзиро ба фурӯш бароварда, қисми дигари онро коркард ва захира менамоем», — гуфт ӯ.
Мавсуф зикр намуд, ки ҳар сокини ин сарзамин манфиати давлат ва миллати худро аввалиндараҷа мешуморад. Дар замири мо ғурури миллӣ ва ҳисси ватандории баланд нуҳуфтааст.
Ёдовар мешавем, ки деҳаи Хоҷаи Аъло дар Ҷамоати деҳоти Чоркӯҳи шаҳри Исфара ҷойгир аст. Аз Хоҷаи Аъло то маркази ҷамоат 8 км, то маркази ноҳия 29 км мебошад.
Тибқи ҳисоботи омории соли 2017, аҳолии деҳа 4988 нафарро ташкил медод.
АКС: Хадамоти матбуоти Раиси вилояти Суғд
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
