Дар Душанбе бо иштироки ширкатҳои кореягӣ муколамаи тиҷоратӣ баргузор гардид
ДУШАНБЕ, 06.09.2022 /АМИТ «Ховар»/. Тоҷикистон ва Корея ба ҳамкории иқтисодию тиҷоратӣ тақвият мебахшанд. Далели ин баргузории муколамаи тиҷоратӣ бо ширкатҳои Корея мебошад, ки ҷиҳати диверсификатсияи ҷалби сармояи хориҷӣ дар Душанбе баргузор гардид. Кумитаи давлатии сармоягузорӣ ва идораи амволи давлатӣ ва Сафорати Корея дар Тоҷикистон аз созмондиҳандагони муколама буда, дар он беш аз 80 нафар намояндагони вазорату идораҳои марбутаи мамлакат ва ширкатҳои кореягӣ иштирок ва тавассути рӯнамо вобаста ба имконияти рушди ҳамкорӣ маърӯза намуданд. Дар ин бора АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад.
Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода ва Вазири саноат ва технологияҳои нави ҷумҳурӣ Шералӣ Кабир доир ба тадбирҳои андешидаи Ҳукумати Ҷумҳурии Тоҷикистон вобаста ба ҷалби сармояи хориҷӣ ба иқтисодиёти кишвар, фароҳам овардани шароити мусоид барои соҳибкорону сармоягузорони хориҷӣ, инчунин самтҳои ояндадори ҳамкорӣ сухан намуданд.
Дар муколама аз ҷониби шахсони масъул вобаста ба имконият ва фазои мусоиди сармоягузорӣ рӯнамоӣ гузаронида шуда, вазъияти имрӯзаи сармоягузории Корея дар Тоҷикистон, имконияти ҷалби сармоя ва масири ҳамкории мутақобилаи судманд мавриди баррасӣ қарор дода шуд.
Дар доираи мулоқоти В2В /соҳибкор бо соҳибкор имконияти ба роҳ мондани ҳамкорӣ мавриди баррасии ҷонибҳо қарор гирифт.
Ҳайати сармоягузорон ва соҳибкорони кореягӣ инчунин аз Минтақаи саноатии шаҳри Душанбе боздид намуда, бо иқтидори истеҳсолии корхонаҳои ватании «Ваҳдат текстайл», «Асрори санг», ширкати «Stone» шинос шуд ва аз Корхонаи муштараки Тоҷикистон ва Узбекистон «Артел Авесто электроникс» дидан намуд.
Дар анҷоми муколама ҷонибҳо омодагии худро ҷиҳати тақвияти ҳамкорӣ иброз доштанд.
АКС: Кумитаи давлатии сармоягузорӣ ва идораи амволи давлатии ҶТ
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
