Сироҷиддин Муҳриддин 5 сентябр дар Москва бо Сергей Лавров мулоқот менамояд
ДУШАНБЕ, 01.09.2022 /АМИТ «Ховар»/. Вазири корҳои хориҷии Тоҷикистон Сироҷиддин Муҳриддин 5 сентябр ба Москва сафар намуда, бо Вазири корҳои хориҷии Русия Сергей Лавров мулоқот хоҳад кард. Дар ин бора дирӯз дар брифинг сухангӯи Вазорати корҳои хориҷии Русия Мария Захарова хабар дод.
«5 сентябр Вазири корҳои хориҷии Ҷумҳурии Тоҷикистон бо сафари расмӣ ба кишвари мо ташриф меорад. Қарор аст ӯ бо Вазири корҳои хориҷии Русия Сергей Лавров мулоқот намояд. Ин мулоқот дар остонаи ҷашни миллии Тоҷикистон — Рӯзи истиқлолият баргузор мегардад. Ёдовар мешавам, ки он 9 сентябр таҷлил мегардад», — гуфт Мария Захарова.
Ба гуфтаи Захарова, дар ин музокирот ба ҳамкории тиҷоративу иқтисодӣ, фарҳангӣ ва гуманитарӣ, мудофиа, амният, сиёсати муҳоҷират, омодасозии кадрҳо, тадбирҳои муштарак дар заминаи амнияти биологӣ, аз ҷумла мушкилоти эпидемиологӣ ва амнияти иттилоотӣ таваҷҷуҳи хоса дода мешавад.
Дипломат таъкид кард, ки вазирон бояд иҷрои тавофуқҳоеро, ки дар мулоқотҳои ахири Президентҳои Русия ва Тоҷикистон ҳосил шуда буданд, баррасӣ кунанд.
«Оид ба масъалаҳои мубрами минтақавӣ ва байналмилалӣ, аз ҷумла вазъи Афғонистон табодули афкор сурат хоҳад гирифт. Дар доираи сафар ба имзо расидани барномаи ҳамкорӣ миёни вазоратҳои корҳои хориҷии кишварҳои мо барои солҳои 2022-2023 дар назар аст», — афзуд Захарова.
АКС аз манбаъҳои боз
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
Байни Ҷумҳурии Тоҷикистон ва Ҷумҳурии Исломии Эрон санадҳои нави ҳамкорӣ ба имзо расиданд
Дар Душанбе мулоқоти роҳбарони хадамоти консулии Тоҷикистон ва Русия баргузор шуд
