Дар ноҳияи Шуғнон то моҳи ноябр 24 гармхонаи хурд бунёд мегардад

Октябрь 16, 2022 09:50

ДУШАНБЕ, 16.10.2022 /АМИТ «Ховар»/. Мақомоти иҷроияи ҳокимияти давлатии ноҳияи Шуғнон дар ҳамкорӣ бо шарикони рушд дар Ҷамоати деҳоти Ванқалъа то моҳи ноябри соли равон 24 адад гармхона бунёд менамоянд. Дар ин бора ба АМИТ «Ховар» дар мақомоти иҷроияи ҳокимияти давлатии ноҳияи Шуғнон хабар доданд.

Ҷиҳати истифодаи самараноки заминҳои наздиҳавлигӣ барои оилаҳои ниёзманди ҷамоати деҳоти мазкур аз ҷониби мақомоти иҷроияи ҳокимияти давлатии ноҳия дар ҳамкорӣ бо шарикони рушд ҳамасола миқдори муайяни гармхонаҳои хурд бунёд карда мешаванд.

Соли гузашта барои оилаҳои ниёзманди ҷамоат 25 адад гармхонаҳои хурд сохта, мавриди истифода қарор дода шуданд. Имсол 24 адад гармхонаҳои нав бунёд карда мешаванд.

Сокинони ин ҷамоат заминҳои наздиҳавлигии худро самаранок истифода бурда, дар онҳо барои парвариши сабзавоти барвақтӣ ҳарчӣ бештар гармхонаҳои хурд бунёд ва бо ин роҳ талаботи худро бо сабзавоти тару тоза таъмин менамоянд. Дар ин гармхонаҳо бодиринг, қаланфури булғорӣ ва дигар намуди сабзавот парвариш намуда, ҳосили хуб гирифта мешавад.

Деҳқонону кишоварзони ноҳияи Шуғнон дастуру супоришҳои Сарвари давлатро сармашқи кори худ қарор дода, баҳри рӯёнидани ду — се ҳосил аз як замин аз ҳамаи имконияти мавҷуда истифода менамоянд.

Деҳқон дар фаъолияти хоҷагидорӣ мустақил аст, аз ин рӯ бештар ҳамон зироатеро кишту парвариш мекунад, ки фоидаи хуб диҳад.

Роҳандозии фаъолияти гармхонаҳои хурд ва парвариши зироат дар зери плёнка барои таъмини амнияти озуқаворӣ, истифодаи самараноку оқилонаи замин ва гирифтани чанд ҳосил аз он ба беҳтар шудани сатҳи зиндагии сокинон мусоидат мекунад.

Таҷриба собит намуд, ки бунёди гармхонаҳои хурд ва оқилона ба роҳ мондани парвариши сабзавот манфиати хуби иқтисодӣ меорад.

АКС: МИҲД ноҳияи Шуғнон

Октябрь 16, 2022 09:50

Хабарҳои дигари ин бахш

Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Хоруғ мизбони конфронси ҷумҳуриявӣ оид ба ташаббусҳои байналмилалии Пешвои миллат дар самти сулҳу ваҳдат шуд