ДАЪВАТИ ТИРАМОҲӢ. Ҷавонони ноҳияи Муъминобод ба сафи Қувваҳои мусаллаҳ ҷалб гардиданд

Октябрь 3, 2022 11:41

МУЪМИНОБОД, 03.10.2022 АМИТ /«Ховар»/. 2 октябр дар ноҳияи Муъминободи вилояти Хатлон маросими Рӯзи даъватшаванда баргузор гардид, ки дар он 40 нафар ҷавононе, ки ба ҳифзи Ватан ихтиёран сафарбар шудаанд, ҳамроҳ бо волидайну масъулини мақомоти марбута иштирок намуданд, хабар медиҳад мухбири минтақавии АМИТ «Ховар» Сулаймон ХОЛЗОДА.

Раиси ноҳия Лутфия Шарифзода  ба ҷавонон ва падару модарони онҳо арзи сипос намуда, гуфт, ки «хизмат ба Ватан қарзи ҳар ҷавони тоҷик буда, ифодагари ватандӯстӣ, шарафмандӣ ва ҷавонмардист. Имрӯз шароити қисмҳои низомӣ ба талаботи замон ҷавобгӯ  буда, аскарон  бо истифода аз машғулияти  қисмҳои ҳарбӣ баҳри ҳимояи Ватан омода мешаванд».

Наваскар Муборакшои Бозор зикр кард, ки «ман бо аризаи худ вориди комиссариати ҳарбӣ гардидам. Мехоҳам ватани худро ҳимоя намуда, баҳри осудагии мардуми сарзаминамон содиқона хизмат намоям. Ман аз ҳамсолони худ даъват менамоям, ки хизмати содиқона ба Ватанро аз ҳама кори дигар афзалтар шуморанд, зеро дӯст доштани ватан аз гӯшаи имон аст».

Падари даъватшаванда Рустам Ризоев  афзуд, ки «ман писарамро ба ҳимояи Модар-Ватан гусел намудам. Боварӣ дорам, ки ӯ баҳри ҳимояи Ватан содиқона хизмат менамояд».

Сокини дигари ноҳия Арафамо Алиева, модари наваскар зикр кард, ки «ду писарам  хизмати Модар-Ватанро ба сари баланд  адо намуда, ба хона баргаштанд. Боварӣ дорам, ки ин писарам низ содиқона ба ватан хизмат намуда, сари моро баланд мебардорад».

Бояд гуфт, ки дар ноҳия маъракаи даъвати ҷавонон ба сафи Артиши миллӣ идома  дошта,   рӯзҳои наздик  анҷом меёбад.

Шуъбаи фарҳанги ноҳия бо савту навои худ табъи ҳозиринро болида намуда, аз  ҷониби  Ҳизби Халқии Демократии  ноҳия ба наваскарон туҳфаҳои хотиравӣ супорида шуданд.

Дар охири маросим  волидайн  бо дуои нек фарзандонашонро ба қисмҳои ҳарбӣ гусел намуданд.

АКС:АМИТ «Ховар»

Октябрь 3, 2022 11:41

Хабарҳои дигари ин бахш

Жапаров омодагии худро барои ҳалли масъалаи минтақаҳои баҳсноки марз бо Тоҷикистон эълом кард
Нишасти навбатии СААД соли 2023 дар Минск баргузор мешавад
Дар Академияи Вазорати корҳои дохилии Тоҷикистон оид ба пешгирии киберҷинояткорӣ конференсияи байналмилалӣ доир шуд
Имрӯз дар Ереван ҷаласаи навбатии Шӯрои амнияти дастҷамъии СААД баргузор мешавад
Сергей Наришкин: «Россия ва Тоҷикистон минбаъд низ барои таъмини амнияти минтақавӣ ва миллии ду давлат тадбир меандешанд»
Ҳайати Тоҷикистон дар Конфронси вазирон барои мубориза бар зидди маблағгузории терроризм ширкат варзид
«ХИЗМАТ ДАР САФИ ҚУВВАҲОИ МУСАЛЛАҲ ВАЗИФАИ ШАҲРВАНДИИ ҲАР ЯКИ МОСТ». Дар Донишкадаи ҳарбӣ таҳти ин унвон Рӯзи дарҳои кушод гузаронида шуд
142 нафар сарбозони Вазорати корҳои дохилӣ баъди анҷоми давраи касбомӯзӣ соҳиби шаҳодатнома шуданд
106 нафар наваскарони даъвати тирамоҳӣ аз 3 қисми ҳарбӣ савганди садоқат ёд карданд
ТОЛИБОН ҲУКУМАТИ ХУДРО ФАРОГИР НАКАРДАНД. Аз ин рӯ онҳоро аз иштирок дар «сиғаи москвагӣ»-и нишаст доир ба Афғонистон маҳрум намуданд
Дар Эрон афроди номаълум дар бозор тир кушоданд ва панҷ нафар ҳалок гардид
Дар Истанбул таркишҳо ба амал омада, се мошин оташ гирифт