Намояндагони Бонки ҷаҳонӣ ба кори боғпарварони хоҷагии деҳқонии «Хайриддин»-и ноҳияи Файзобод баҳои баланд доданд
ФАЙЗОБОД, 10.10.2022 /АМИТ «Ховар»/. 8 октябр Директори идорӣ оид ба фаъолияти амалиётии Бонки ҷаҳонӣ Аксел ван Тротсенбург, Ноиби президенти ҳамин бонк хонум Анна Бйерде, муовини Сарвазири мамлакат Матлубахон Сатториён, Вазири молияи ҷумҳурӣ Фазлиддин Қаҳҳорзода ва намояндагони вазоратҳои тандурустӣ ва кишоварзӣ аз ноҳияи Файзобод дидан намуданд.
Мақсади ташрифи меҳмонон ба ноҳия- таҳкими ҳамкорӣ миёни Мақомоти иҷроияи ҳокимияти давлатии ноҳияи Файзобод ва Бонки ҷаҳонӣ дар Тоҷикистон ба шумор мерафт.
Дар доираи сафари корӣ меҳмонон аз иншооте, ки бо маблағгузории Бонки ҷаҳонӣ дар Тоҷикистон бунёд шудаанд, дидан намуданд. Ҳамзамон аз маҳсулоти кишоварзӣ, таомҳои миллӣ, ҳунарҳои мардумӣ ва тавлидоти корхонаву коргоҳҳои ҳудуди ноҳия, ки ба маърази тамошо гузошта шуда буданд, дидан карданд.
Зимни сафари корӣ меҳмонон аз маркази саломатии деҳаи Дубедаи Ҷамоати деҳоти Ҷавонон, ки аз ҳисоби маблағгузории Бонки ҷаҳонӣ бо тарҳи замонавӣ сохта шудааст ва лоиҳаи тиҷоратикунонӣ ва ҳосилнокии кишоварзӣ- «Нигоҳдории себ ва нок пас аз ҷамъоварӣ» дар деҳаи Гултеппаи Ҷамоати шаҳраки 30 — солагии Истиқлоли ноҳия боздид намуданд.
Мавриди зикр аст, ки анбори нигоҳдории себу ноки хоҷагии деҳқони «Хайриддин» дорои ғунҷоиши беш аз 300 тонна мева мебошад. Хоҷагии деҳқонии «Хайриддин» яке аз хоҷагиҳои пешқадами ноҳия ба шумор рафта, ҷиҳати таъмини меваи хушсифат дар ноҳия ва берун аз он саҳми калон дорад.
Дар айни замон дар хоҷагӣ беш аз 25 нафар кор мекунанд, ки 12 нафари онҳо занони хонанишин мебошанд. Масоҳати умумии боғи себу нок 28 гектарро ташкил медиҳад. Дар вақти боздид аз боғи мазкур Аксел ван Тротсенбург, хонум Анна Бйерде ва ҳамроҳонашон бо деҳқонон суҳбат намуданд. Аксел ван Тротсенбург аз меҳмоннавозии самимонаи сокинони ноҳия, бахусус мардуми заҳматкаши деҳаи Гултеппа изҳори сипос намуд ва барои ҳамкории минбаъда сухан гуфт.
Зимни сафари корӣ аз тарафи Раиси ноҳияи Файзобод Бобишо Холзода ба меҳмонон барои ҳамкории судманд Сипосномаи Мақомоти иҷроияи ҳокимияти давлатии ноҳияи Файзобод супурда шуд.
АКС: Мақомоти иҷроияи ҳокимияти давлатии ноҳияи Файзобод
Пулҳои коғазии ҷашнӣ бо арзиши номиналии 100 сомонӣ ба муомилот бароварда шуд
Даромади буҷети давлатӣ барои соли 2026 дар ҳаҷми 65 миллиард сомонӣ пешбинӣ шудааст
РУШДИ САНОАТ. Дар Тоҷикистон ҳамасола зиёда аз 4,4 миллион тонна семент истеҳсол мегардад
Дар Душанбе дар мавзуи «Пули сомонӣ-рукни давлатдории миллӣ» конфронси илмӣ-назариявӣ баргузор шуд
Тоҷикистон ва Арабистони Саудӣ ҳамкориро дар соҳаи энергетика густариш медиҳанд
Иштироки Раиси Палатаи ҳисоб Ҷамшед Каримзода дар Конгресси XXV INTOSAI дар шаҳри Шарм-аш-Шайхи Миср
ОМОДАГӢ БА ЗИМИСТОН. ҶСК «Ангишти Камароб» муассисаҳои буҷавии ноҳияҳои Рашту Тоҷикободро бо ангишти хушсифат таъмин намуд
ПУЛИ МИЛЛӢ – РАМЗИ ДАВЛАТДОРӢ. Имрӯз аз ба муомилот баровардани пули миллӣ — сомонӣ 25 сол сипарӣ шуд
Рӯзҳои наздик дар вилояти Хатлон нақшаи ҷамъоварӣ пахта пурра иҷро мегардад
Роҳбари миссияи Хазинаи байналмилалии асъор ба устувории нишондиҳандаҳои макроиқтисодии Тоҷикистон баҳои баланд дод
«Сомон Эйр» имконияти васеъ намудани парки ҳавопаймоҳоро бо ширкати амрикоии ACG баррасӣ намуд
Дар Душанбе китоби «Занбӯриасалпарварӣ»-и Файзулло Мирзо рӯнамоӣ карда шуд
