Ҷоизаи Нобелро дар соҳаи адабиёт адиби фаронсавӣ Анни Эрно соҳиб гардид
ДУШАНБЕ, 07.10.2022 /АМИТ «Ховар»/. Ҷоизаи Нобел дар соли 2022 дар бахши адабиёт ба нависандаи фаронсавӣ Анни Эрно барои «ҷасорат ва борикбинӣ, ки бо он манбаъ, ҷудоӣ ва чаҳорчӯби дастҷамъонаи хотираи шахсиро ошкор мекунад», дода шуд. Дар ин бора дар саҳифаи расмии Twitter-и ҷоиза гуфта шудааст, хабар медиҳад АМИТ «Ховар».
Дар сомонаи ҷоиза иттилоъ дода мешавад, ки дар фаъолияти эҷодӣ Энни Эрно пайвастаю ҳамаҷониба ҳаётро бо тамоми паҳлуҳои зуҳуроти мухталифаш таҳқиқ менамояд. Дар баробари ин таъкид мешавад, ки осори нависанда оштинопазир буда, бо забони сода навишта шудааст.
Шуҳрати байналмилалӣ ва бисёр пайравону шогирдонро ба Эрно романи «Солҳо» ҳадя намуд, ки онро «аввалин асари тарҷумаҳолии гурӯҳӣ» номиданд. Шоири немис Дурс Грюнбайн ин асарро «эпопеяи (воқеаномаи) иҷтимоӣ»-и навоваронаи ҷаҳони муосири Ғарб ҳисобид. Дар маҷмӯъ, дар кӯлвори нависанда зиёда аз 20 асар дида мешавад.
Миёни солҳои 1901 ва 2021 дар бахши адабиёт 114 ҷоизаи Нобел дода шудааст. Ҷавонтарин барандаи Ҷоизаи Нобел дар бахши адабиёт дар соли 1907 Рудярд Киплинги 41-сола буд, ки ба шарофати «Китоби ҷангал» машҳури ҷаҳон гардид. Куҳансолтарин барандаи ҷоиза дар ин соҳа дар соли 2007 Дорис Лессинг буд, ки вай дар синни 88 бо он сарфароз шуд.
Маросими супоридани ҷоизаи Нобел дар соли 2022 10 декабр, дар рӯзи марги Нобел баргузор мешавад. Қисмати пулӣ дар ҳар номина 10 миллион кронро ташкил хоҳад дод, ки бо қурби кунунӣ тақрибан ба 915 000 доллар баробар аст.
ДАР АКС: Анни Эрно. Акси nobelprize.org
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
