Ҳайати Тоҷикистон дар Конфронси байналмилалии сатҳи баланд дар Боку иштирок намуд
ДУШАНБЕ, 01.11.2022 /АМИТ «Ховар»/. Дирӯз, 31 октябр ҳайати Ҷумҳурии Тоҷикистон бо роҳбарии муовини Вазири рушди иқтисод ва савдо Абдураҳмон Абдураҳмонзода дар Конфронси байналмилалии сатҳи баланд оид ба табдилдиҳии рақамии мубодилаи маълумот дар занҷираҳои таъминот бо истифода аз стандартҳои СММ, ки дар шаҳри Бокуи Ҷумҳурии Озарбойҷон баргузор гардид, иштирок намуда, сухан гуфт.
Тавре дар Вазорати рушди иқтисод ва савдо ба АМИТ «Ховар» хабар доданд, конфронсро Вазири рушди рақамӣ ва нақлиёти Озарбойҷон Рашад Набиев якҷо бо Котиби иҷроияи Комиссияи иқтисодии СММ барои Аврупо Олга Алгаёрова ифтитоҳ намуданд. Дар кори он муовинони вазирони рушди иқтисоду савдо, инноватсияву рақамикунонӣ ва намояндагони доимии кишварҳои аъзои Барномаи махсуси СММ барои иқтисодиёти Осиёи Марказӣ (СПЕКА) дар назди шуъбаи СММ ва дигар ташкилоти байналмилалӣ дар Женева, инчунин созмонҳои байналмилалӣ ва шарикони рушд иштирок намуданд.
А.Абдураҳмонзода иброз дошт, ки бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати кишвар ҷиҳати ноил гардидан ба рушди устувори кишвар якчанд санадҳои марбут ба рушди иқтисоди рақамӣ, аз ҷумла Консепсияи иқтисоди рақамии Ҷумҳурии Тоҷикистон, Барномаи миёнамуҳлати рушди иқтисоди рақамӣ барои солҳои 2021-2025, Консепсияи ҳукумати электронӣ, қонунҳо «Дар бораи имзои рақамӣ», «Дар бораи савдои электронӣ» ва дигар ҳуҷҷатҳои стратегӣ дар соҳаи иқтисоди рақамӣ қабул ва мавриди амал қарор доранд.
Инчунин дар доираи конфронси мазкур вобаста ба нақши стандартҳои СММ дар рақамикунонии мубодилаи маълумоти тиҷоратӣ истифода аз технологияҳои инноватсионии рақамӣ, содагардонии расмиёти тиҷорати фаромарзӣ, ҳамоҳангсозии ҳуҷҷатҳои транзитӣ ҳангоми интиқоли борҳо миёни кишварҳои аъзои СПЕКА ва таҷрибаи беҳтарин дар ин самт бо истифода аз кумакҳои шарикони рушд мавриди муҳокима қарор гирифтанд.
Дар конфронс истифодаи стандартҳои байналмилалии СММ (СЕФАКТ СММ) дар самти рақамикунонӣ ва ҳамоҳангсозии низомҳои «Равзанаи ягонаи барасмиятдарории амалиёти содиротӣ, воридотӣ ва транзитӣ» миёни кишварҳои аъзои СПЕКА зарур арзёбӣ гардид.
Дар натиҷаи Конфронси байналмилалии сатҳи баланд оид ба табдилдиҳии рақамии табодули иттилоот дар занҷираҳои таъминот бо истифода аз стандартҳои СММ қарор қабул гардид, ки тавсияҳо ва пешниҳодҳо барои баррасӣ ба Шӯрои роҳбарикунандаи СПЕКА пешниҳод гарданд.
АКС: Вазорати рушди иқтисод ва савдои ҶТ
БЕМАСЪУЛИЯТӢ ДАР ИСТИФОДАИ НЕРУИ БАРҚ. Корманди зеристгоҳи барқӣ қувваи барқро ғайриқонунӣ истифода менамояд
Иҷрои Барномаи рушди соҳаи механиконии инноватсионии кишоварзӣ баррасӣ гардид
Дар ноҳияи Бобоҷон Ғафуров истифодаи ғайриқонунии неруи барқ ошкор гардид
РӮЗИ ЭНЕРГЕТИКҲО. Энергетика заминаи рушд барои дигар бахшҳои иқтисоди Тоҷикистон аст
АМАЛИ МО ИНТИҚОЛИ НУР АСТ. Эҳдо ба Рӯзи энергетикҳо дар Тоҷикистон
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026-2030» таҳия ва амалӣ мегардад
СИЁСАТИ «ОСМОНИ КУШОД». Рушди авиатсияи гражданӣ зери таваҷҷуҳи доимии Президенти Тоҷикистон қарор дорад
Қатъномаи нави минтақавӣ оид ба муқовимат ба коррупсия бо иштироки Тоҷикистон қабул гардид
Агентии «Тоҷикстандарт : «380 тонна молу маҳсулоти муҳлати истеъмолаш гузашта ва ғайристандартӣ нобуд карда шуд»
Дар Токио Форуми тиҷоратии «Тоҷикистон – Ҷопон» баргузор шуд
Дар Вазорати рушди иқтисод ва савдои Тоҷикистон оид ба тайёр кардани кадрҳои сатҳи баланди илмӣ ҷаласа доир шуд
Дар Хатлон ҳамкорӣ бо сармоягузорони хориҷӣ ҷиҳати таъсиси нерӯгоҳҳои офтобиву бодӣ тақвият меёбад
