Қазоқистон барои Тоҷикистон шабакаҳои алоқаи моҳвораӣ ташкил мекунад
ДУШАНБЕ, 14.12.2022. /АМИТ «Ховар»/. ҶС «Маркази ҷумҳуриявии алоқаи кайҳонӣ»-и Қазоқистон бо ширкати тоҷикистонии ҶДММ «Нет Солюшенс» созишномаи ҳамкорӣ ба имзо расонд. Ҷонибҳо дар бораи ташкили шабакаи алоқаи моҳвораӣ ба манфиати Ҷумҳурии Тоҷикистон тавассути моҳвораи KazSat-3 ба мувофиқа расиданд. Дар ин бора АМИТ «Ховар» бо истинод ба Агентии байналмилалии иттилоотии «Казинформ» хабар медиҳад.
Созишномаро директори генералии ширкати «Нет Солюшенс» Бахтовар Абдусатторов ва муовини раиси ҶС «Маркази ҷумҳуриявии алоқаи кайҳон» Василий Леонов ба имзо расониданд.
МҶАК омода аст то соли 2023 иқтидори транспондерии киштии кайҳонии KazSat-3-ро, ки дар мавқеи мадори 58,5 дараҷаи тӯли шарқӣ ҷойгир аст, пешниҳод намояд.
«Системаи алоқаи моҳвораии «Kazsat» омода аст, ки на танҳо дар қаламрави Ҷумҳурии Қазоқистон, балки дар қаламрави давлатҳои ҳамсоя низ хизмати алоқаи кайҳонӣ расонад.
Дар ин замина бо Қирғизистону Узбекистон ва ҳоло бо Тоҷикистон ҳамкорӣ ба роҳ монда шудааст.
«МҶАК ба нақша гирифтааст, ки минбаъд низ дар бозори байналмилалӣ ба кишварҳои Осиёи Марказӣ барои расонидани алоқаи кайҳонӣ хизмат намояд», — гуфт муовини раиси ҶС «Маркази ҷумҳуриявии алоқаи кайҳонӣ» Василий Леонов.
Дар Қазоқистон системаи миллии моҳвораии алоқа ва радиошунавонии «Kazsat» мавҷуд аст, ки аз ду моҳвораи алоқа ва маҷмааи идоракунии рӯизаминии «Аккол» ва «Коктерек» иборат аст.
Зарангези ЛАТИФ,
АМИТ «Ховар»
АКС: ҶС «МҶАК»
Татбиқи «Стратегияи Бонки Осиёии Рушд барои Тоҷикистон дар давраи солҳои 2026–2030» оғоз мегардад
Дар шаҳри Кӯлоб таҳти раёсати Сарвазири Ҷумҳурии Тоҷикистон ҷаласаи корӣ баргузор шуд
Шумораи умумии субъектҳои хоҷагидор дар Тоҷикистон ба 381 ҳазор адад расид
Ҳайати Туркманистон барои иштирок дар ҷаласаи Комиссияи муштараки байниҳукуматии Тоҷикистон ва Туркманистон ба Душанбе омад
Сарвазири Тоҷикистон дар ноҳияи Мир Сайид Алии Ҳамадонӣ бо корҳои созандагию ободонӣ шинос гардид
Байни шаҳрҳои Душанбе ва Тошканд хатсайри нави нақлиётии байналмилалӣ фаъол карда шуд
Таҳкими ҳамкории дуҷониба ва рушди бахши молиявӣ байни Тоҷикистон ва Бонки ҷаҳонӣ баррасӣ гардид
«Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2026-2030» амалӣ мешавад
Моҳи май дар шаҳри Бохтар Форуми сайёҳии «Хатлон – 2026» баргузор мешавад
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
