Бори аввал адабиёти тоҷик дар фестивали бонуфузи Австралия муаррифӣ шуд
ДУШАНБЕ, 22.12.2022 /АМИТ «Ховар»/. Шоир ва муҳаққиқи фарҳанги классикии тоҷик Нуралӣ Нурзод дар номинаи «Асари академӣ» дар Фестивали XI байналмилалии адабӣ ва озмуни «Open Eurasian Book Forum & Literature Festival» сазовори ҷои 3-юм гардид. Дар ин бора созмондиҳандагони фестивал хабар додаанд.
Фестивали байналмилалии адабии «Авруосиёи кушода» аз 10 то 16 декабр дар шаҳри Мелбурн (Австралия) аз ҷониби Иттиҳодияи эҷодии Авруосиё (Лондон) баргузор шуд. Нависандагон, шоирон ва дигар одамони эҷодкор барои корҳои эҷодияшон бо мукофотҳо сарфароз гардонида шуданд. Миёни онҳо Нуралӣ Нурзод низ буд, ки барандаи озмуни ҷоизаи ба номи Салтанат Раҳимбеков дар номинаи «Кори академикӣ» барои маҷмӯаи мақолаҳои илмии «Аз Сада то Наврӯз» бо забони тоҷикӣ гардид.
Ба озмун дар маҷмӯъ 500 дархост аз 50 кишвари ҷаҳон пешниҳод гардид, ки 3-тои он аз Тоҷикистон буд.
Дар доираи фестивали адабӣ ба ҷуз аз маросими ҷоизасупорӣ ва тақдими ҷоизаҳо китобҳои нависанда ва адабиётшиноси тоҷик Гулсифат Шаҳидӣ «Ҳамсояҳо» ва «Саргузаштҳои бибии Гулсифат» муаррифӣ шуданд.
Фестивали байналмилалии «Open Eurasian Book Forum & Literature Festival» ягона фестивалест, ки дар тамоми фазои Авруосиё адабиёт ва эҷодкориро тарғиб ва таблиғ мекунад. Қабули дархостҳо ба озмуни XII адабии «Авруосиёи кушода» аз 1 феврали соли 2023 оғоз меёбад.
Шаҳлои САДРИДДИН,
АМИТ «Ховар»,
АКС: Иттиҳодияи адабии Авруосиёӣ
ҶАЛБИ БЕШТАРИ ХОНАНДАГОН БА ОМӮЗИШИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Сессияи зимистонаи Академияи хурди илмҳои Тоҷикистон баргузор гардид
ҶАШНИ САДА. Он чун унсури барҷастаи мероси фарҳангии башарият сазовори ҳифз ва таблиғ дар саросари ҷаҳон аст
Ҳамкории «Тоҷикфилм» бо Институти миллии аудиовизуалии Фаронса тақвият меёбад
«ТОҶИКИСТОН — ВАТАНИ АЗИЗИ МАН». Ғолибони озмун дар баробари мукофотпулӣ аз кадом имтиёзҳо бархӯрдор мешаванд?
26 январ дар вазорату идораҳои Тоҷикистон нишастҳои матбуотӣ оғоз мегарданд
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
