Дар Душанбе Барномаи кишварии хазинаи нуфуси СММ дар Ҷумҳурии Тоҷикистон барои солҳои 2023-2026 муаррифӣ гардид
ДУШАНБЕ, 19.12.2022. /АМИТ «Ховар»/. Барномаи нави (панҷуми) кишварии Хазинаи нуфуси Созмони Милали Муттаҳид (UNFPA) дар Ҷумҳурии Тоҷикистон барои солҳои 2023-2026 муаррифӣ гардид, хабар доданд ба АМИТ «Ховар» дар маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Маросими мазкур 16 декабри соли равон дар Китобхонаи миллии Тоҷикистон доир гардид. Дар ҷаласаи мазкур нахуст давраи 4-уми Барномаи кишварии Хазинаи нуфуси Созмони Милали Муттаҳид (UNFPA) дар Ҷумҳурии Тоҷикистон барои солҳои 2016-2022 ҷамъбаст гардида, барномаи нави (панҷуми) хазинаи мазкур барои солҳои 2023-2026 дар Тоҷикистон муаррифӣ гардид.
Дар ҷаласа зикр шуд, ки Барномаи кишварии UNFPA барои солҳои 2016-2022 дар ҳамкории зич бо вазоратҳои рушди иқтисод ва савдо, тандурустӣ ва ҳифзи иҷтимоии аҳолӣ, маориф ва илм, меҳнат, муҳоҷират ва шуғли аҳолии Ҷумҳурии Тоҷикистон, Агентии омори назди Президенти Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Вазорати маориф ва илми Ҷумҳурии Тоҷикистон ва дигар вазорату кумитаҳои дахлдор қабул ва мавриди амал қарор дода шуда, дар давоми татбиқи он як қатор натиҷаҳои назаррас ба даст омадаанд. Хосатан дар чаҳорчўбаи амалишавии Барномаи мазкур дар соҳаи демографӣ, омор, солимии репродуктивӣ, танзими оила, баробарии гендерӣ, пешгирии бемории ВИЧ/СПИД, пешбурди сиёсати ҷавонон, наврасон ва пиронсолон дастовардҳои назаррас ба мушоҳида расиданд.
Дар ҷаласа намояндагони як қатор вазорату идораҳои дахлдори кишвар вобаста ба иҷрои Барномаи кишварии ЮНФПА ва натиҷаҳои амалигардонии барномаи мазкур ибрози назар намуданд.
Дар ҷаласа муовини Раиси Маҷлиси намояндагони Маҷлиси Олии Ҷумҳурии Тоҷикистон Дилрабо Мансурӣ, муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода, муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода, ҳамоҳангсози доимии СММ дар Тоҷикистон Сезин Синаноглу, роҳбарони як қатор кумитаҳо, намояндагони вазорату идораҳои мамлакат ва шарикон оид ба рушд иштирок намуданд.
АКС: Маркази матбуоти Вазорати тандурустӣ ва ҳифзи иҷтимоии аҳолии ҶТ
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
