Дар Душанбе масъалаи рушди «иқтисоди сабз» дар Тоҷикистонро баррасӣ намуданд
ДУШАНБЕ, 06.12.2022 /АМИТ «Ховар»/. Имрӯз дар шаҳри Душанбе дар мавзӯи «Рушди «иқтисоди сабз» дар Ҷумҳурии Тоҷикистон» ҷамъомади иқтисодӣ баргузор гардид, ки дар он муовини Вазири рушди иқтисод ва савдо Фарҳод Восидиён сухан гуфт. Дар ин бора ба АМИТ «Ховар» дар Вазорати мазкур хабар доданд.
Зикр гардид, ки дар доираи дастуру супоришҳои Пешвои миллат муҳтарам Эмомалӣ Раҳмон дар самти рушди «иқтисоди сабз» дар кишвар корҳои назаррас амалӣ гардида истодаанд.
Аз ҷумла, дар доираи иҷрои вазифаҳои Паёми Президенти Ҷумҳурии Тоҷикистон аз 21 декабри соли 2021 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» Стратегияи рушди «иқтисоди сабз» дар Ҷумҳурии Тоҷикистон барои солҳои 2023-2037 таҳия гардида, 30 сентябри соли 2022 ба тасвиб расид.
Мақсади стратегияи мазкур- гузаронидани ислоҳоти дастурӣ, таъмини истифодаи самараноки сармояи табиӣ, ҷалби сармоягузорӣ, роҳандозии технологияи муосиру инноватсионӣ ва таҳкими ҳамкории байналмилалӣ дар самти «иқтисоди сабз» мебошад.
Ҳаҷми маблағгузории стратегияи мазкур 21,6 млрд сомониро пешбинӣ намудааст, ки дар он дастгирии сармоягузории институтҳои молиявӣ ва шарикони рушд нақши калидӣ дорад.
Вобаста ба ин аз шарикони рушд даъват карда шуд, ки барои татбиқи саривақтӣ ва сифатноки Стратегияи рушди «иқтисоди сабз» дар Ҷумҳурии Тоҷикистон барои солҳои 2023-2037 саҳми арзанда гузоранд.
Ҳамчунин дар бахшҳои алоҳидаи ҷамъомади мазкур аз ҷониби сардорони сарраёсатҳои вазорат Баҳодур Аҳадзода ва Манучеҳра Мадҷон вобаста ба масъалаҳои «иқтисоди сабз» ва мониторингу арзёбии ҳуҷҷатҳои стратегии кишвар рӯнамоҳо пешниҳод карда шуданд.
АКС: Вазорати рушди иқтисод ва савдои ҶТ
Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
Барои татбиқи лоиҳаи «Барномаи рушди НБО-и «Роғун», марҳилаи 1» 270 миллион доллар ҷудо гардид
Коршиносони ширкати Чин бо шароити хизматрасонии ҳаракати ҳавоӣ дар «Тоҷикаэронавигатсия» шинос шуданд
Озмуни байналмилалии «Кашфи олами моликияти зеҳнӣ» ҷамъбаст шуд
Вобаста ба нақши дипломатияи фарҳангӣ дар рушди иқтисоди Тоҷикистон ва Эрон ҳамоиш доир шуд
Мулоқоти Қоҳир Расулзода бо Директори генералии Фонди кувайтии рушди иқтисодиёти араб Валид Ал-Баҳар
Бахшида ба Рӯзи кормандони соҳаи энергетика дар неругоҳи «Сангтӯда -1» ҳамоиши тантанавӣ доир шуд
Барои татбиқи лоиҳаи «Маблағгузории устувор барои НБО-и «Роғун» созишномаи молиявӣ ба имзо расид
Дар Маркази миллии патенту иттилоот ҷаласаи муштарак доир гардид
Дар Душанбе масъалаи идоракунии захираҳои табиӣ ва тағйирёбии иқлим баррасӣ гардид
Дурнамои ҳамкории Тоҷикистон ва Русия дар бахши энергетика баррасӣ шуд
Комиссияи байниҳукуматии Тоҷикистон ва Озарбойҷон оид ба ҳамкории иқтисодӣ баргузор гардид
