ФУТЗАЛ. «Соро компания» ва «Амонатбонк» дар финали Ҷоми Тоҷикистон-2022 вомехӯранд

ДУШАНБЕ, 06.12.2022 /АМИТ «Ховар»/. Дар бозии финалии Ҷоми Тоҷикистон-2022 оид ба футзал 7 декабр дастаҳои шаҳри Душанбе – «Соро компания» ва «Амонатбонк» вомехӯранд. Дар ин бора ба АМИТ «Ховар» дар Федератсияи футболи Тоҷикистон хабар доданд.

5 декабр дар маҷмааи варзишии Кумитаи андози Ҷумҳурии Тоҷикистон дар шаҳри Душанбе бозиҳои даври нимфинали Ҷоми Тоҷикистон баргузор шуданд. Чемпиони мамлакат дастаи «Соро компания» бар дастаи «Рахш-Такси» бо ҳисоби 6:2 ғалаба кард. Дар бозии дигари даври ½-финалӣ дастаи «Амонатбонк» бо ҳисоби 4:1 бар дастаи «Вавилон» пирӯз шуд.

Ҳамин тариқ, вохӯрии ниҳоии Ҷоми кишвар 7 декабр бо ширкати дастаҳои «Соро компания» ва «Амонатбонк» сурат мегирад. Бозӣ дар маҷмааи варзишии Кумитаи андози назди Ҳукумати Ҷумҳурии Тоҷикистон баргузор шуда, соати 19:30 оғоз мешавад.

Ҷоми Тоҷикистон-2022 оид ба футзал

½-ниҳоӣ

«Соро компания» – «Рахш-Такси» – 6:2

«Вавилон» — «Амонатбонк» – 1:4

Финал

7 декабр (чоршанбе)

Оғоз – соати 19:30

«Соро компания» – «Амонатбонк»

Душанбе, маҷмааи варзишии Кумитаи андози назди Ҳукумати Ҷумҳурии Тоҷикистон

Акс: ФФТ